الحظ لما يهادى ....... يخلى الاعمى ساعاتى

Saturday 8 May 2010

لا والله لسه انسه

انت متجوزه يا حبيبتى؟ اساسا السؤال غبى لا وتلاقى السؤال جه كده من غير اى مقدمات يعنى مثلا اتخرجتى بتشتغلى طب اتخطبتى الاول لا تلاقى السؤال اتحدف فى وشك كده حتى لو من حد متعرفهوش مثلا ممكن تكونى ماشيه فى امان الله رايحه اى حته او بتشترى اى حاجه او راكبه مواصلات وتلاقى واحده كده من الى انتوا عارفينهم من الى السؤال مكتوب على وشهم وتدخل معاكى فى حوار وبعدين تلاقى السؤال اتحدف فجأه كده او تكونى معديه فى الشقه كده فالتليفون يرن ولان الرد على التليفون واجب على كل مواطن عايش فى البيت هتردى على التليفون تلاقى صاحبه مامتك الى انا وانتم عارفينها الى مألفه السؤال اصلا الو ازيك يا حبيبى عامله ايه ايه مش هانفرح بيكى بقى طبعا انت بضحكه صفرا اه ان شاء الله يا طنط يعنى الست دى بدل ماتعد تتكلم كلام ملوش لازمه متتشطر يعنى وتشوف عريس للبنت بس طبعا الابوشن ده مش نزلها هى كلام بس ما كل واحد يخليه فى حاله جاتكم الارف ماليتوا البلد
ليه احنا دايما بنتسأل السؤال ده مع ان ممكن ان الناس الى بتسألوا ممكن ميكونوش سعدا فى الجواز اصلا ليه عايزنا بقى نعمل زيهم اكيد عمرهم طبعا مسالوا نفسهم السؤال ده , وليه دايما ده أول سؤال يتسأل للبنت وأخر سؤال يتسأل للولد
دلوقتى فى بنات كتير تحت وفوق الثلاثين ومتجوزوش وطول ماهى موجوده فى اى حته عماله تتسأل السؤال ده غير اكيد انها بتسأل نفسها نفس السؤال "انا ليه متجوزتش لحد دلوقتى" ويسرح خيالها الواسع بقى وانا عارفه البنات ربنا مديهم خيال ممكن يوصلهم انهم يحلموا بالجواز من ولى عهد الدنمارك , ما علينا يعنى تعد تقول لنفسها مع كل سؤال بيتسألها ومع كل واحده تشوفها تعرفها أو متعرفهاش اتجوزت ياترى الخلل فين فيا ولا الولاد هما الى اتعموا انا شايفه طبعا انهم اتعموا , علشان بقى تعرفوا اد ايه البنات غلابه وان المجتمع هو الى دفعهم للطريق الى يروح ميرجعش (الجواز يعنى) شوفوا بقى بس قبل كده. انا عارفه الحوار الى بيدور فى دماغ الى بيقرا دلوقتى عمال يقول دى واحده تعبانه فى دماغها ومعنسه ومعقده (كفايه كده بقى انا بس مش عاجبنى الى بيحصل يا بيه) مش عايزه الناس تتجوز يعنى ولا ايه
بس انا مش بقول كده خالص ابسلوتلى انا بقول ليه الناس شايفه ان الجواز ده اعظم انجازتنا واسمى اهدافنا مع انه مش كده هو هدف من الاهداف بس للاسف ثقافه المجتمع غير كده وهى الى عامله فى الناس كده يعنى كلنا واحنا صغيرين كنا بنلعب بعرايس طيب سؤال رفيع هنا يقى هى ليه اسمها عروسه مسمهاش لعبه لا بجد ليه اسمها كده فى مؤامره علينا يا رجاله طيب ليه الولاد مش بيلعبوا بعريس!!! سيبكوا من دى البنات اول متطلع نتيجه الثانويه العامه ويدخلوا الجامعه بيعملوا فى نفسهم عمايل علشان ايه بقى يوقعوا عريس هو ده كل الى بيفكروا فيه بيبقوا عاملين زى الانسان الالى ماشين فى الجامعه بقرون الاستشعار اول ما يقربوا ناحيه الهدف اللمبه الحمرا جوا تنور (عريس ياماى) دول بقى الشاطرين الى بيخلصوا فى الجامعه (ده اذا ماكانوش معاهم حد من الثانوى اصلا) النوع ده معظمهم مش بيشتغلوا بعد كده مش محتاجين بقى الشغل
النوع التانى بقى الغلابه الى معرفوش يخلصوا فى الجامعه دول بقى الى معظمهم بيشتغل بعد مابيتخرجوا علشان يكملوا رحله الكفاح الساميه فى البحث عن عريس فى منهم ناس محظوظه بتشتغل فى شغل مليان ولاد (نقى واختار ياعبد الستار) والناس الى حظها قليل ياما بتشتغل فى شغل مليان بنات ياما فى شغل فى ولاد واقعين من الطياره وفى الحالتين بتغير الشغل علشان ربنا يكرم
النوع الثالث بقى الى هما محترفى الصالونات وطبعا دول الى لا عرفوا فى الجامعه ولا نفع فى الشغل, دول بقى الى بيعتمدوا على ابن صاحبه ماما وابن عم جوز اخت مرات خالى دول الى هما بيبقوا عاملين جدول لعرسان الصالونات, الى هى صاحبتها تكلمها علشان تخرج تقولها مش هينفع اصلى جايلى عريس بليل (طبعا هو لسه مبقاش عريس بس البنات بتفتخر بالكلمه دى) احنا البنات لينا حاجات غريبه بنفتخر بيها زى عدد العرسان او عدد الايشاربات الى فى الدولاب كده يعنى. المهم تقولها طيب بكره تقولها اصى رايحه مع عمتى اشوف عريس طيب بعده برده مش هينفع علشان صاحب اخويا جى ومين عارف يمكن اعرف اشنكله.
النوع الرابع بقى الى يحب يعقدك فى عيشتك الى هى ممكن تكلمك بس علشان تقولك بتعمل ايه مع خطيبها او تعزمك بس على فرحها علشان تشوفيه معمول فين او اتكلف اد ايه متقولوش عليا منفسنه بس النوع ده ليه طريقته فى تعليمك كيفيه الحقد على الاخرين.

صاحبتنا بقى يا عينى بعد المكالمه دى مع صاحبتها محترفه الصالونات و بعد ماترجع من فرح صاحبتها الى بتحب تعقد الناس بتبقى عايزه تنط من البلكونه وعلى فكره النوع ده من البنات مش بيكونوا من البنات الى دخلت الجامعه بس علشان كده ولا الى اشتغلت علشان كده ولا الى بتروح اى مناسبه اجتماعيه حتى لو فرح بنت البواب علشان كده ولا من النوع الى عينه فلقت الحجر. دى بتكون بنت طبيعيه بتعيش كل مرحله بمرحلتها ومؤمنه ان كل شىء بيجى فى وقته لكن الناس والمجتمع هما الى بيخلوها تفكر التفكير ده انها متجوزتش والعمر بيجرى ممكن تكون عندها 20 سنه بس العمر بيجرى برده (ده طبعا كلام مامتها), بتفكر أن حياتها ملهاش قيمه وانها أقل من كل الى حواليها بس علشان هما متجوزين أو مخطوبين
بس الحقيقه مش كده مين قال أن وظيفه البنت الاساسيه هى الجواز, الجواز هدف من الاهداف الى مفروض نفكر فيها بس مش كلها ومينفعش نحصر حياتنا واهتمامتنا فى ان احنا عايزين نتجوز مينفعش يكون همنا الاساسى كيفيه الايقاع بعريس !!! واننا بنعمل كل حاجه فى حياتنا بس علشان كده واهتمامنا كله متعلق بالولاد. ليه بقى؟
علشان لما يجى اليوم اللى جه على صاحبتنا منطش من البلكونه ومنحسش أن احنا فشلنا لان هدف من الاهداف اتأخر شويه (انا مش بقول منتجوزش خالص) بس احنا حققنا حاجات تانيه فى حياتنا مثلا دخلنا كليات كويسه علشان بنحبها مش علشان فيها ولاد حلوه وبعد ماتخرجنا اشتغلنا ومئعدناش فى البيت علشان يكون لينا مستقبل وعايشين حياتنا وسايبين كله على ربنا ومش عمالين نفكر فى الجواز ليل ونهار. ومنستعجلش ونعيش اللحظه لان الى احنا فيه ده هو الى مش هيتكرر تانى لو اتجوزنا الحريه هتروح والمسؤليات هتيجى وواحد يقى هيأرفك فى عيشتك (وكل يوم الصبح تبصيله وتقولى انا كان عقلى فين لما اتجوزتك), لكن احنا دلوقتى براحتنا وبنعمل الى احنا عايزينه فى الوقت الى احنا عايزينه. ومنهتمش بكلام الناس لان الناس كده كده بتتكلم واحنا كمان بنتكلم على ناس تانين.
مره واحده صاحبتى (متجوزه طبعا) قالتلى الجواز ده عامل زى القلعه كل الى بره عايزين يدخلوا وكل الى جوه عايزين يخرجوا. فمتستعجلوش على الدخول

































42 comments:

Anonymous said...

Aktar 7aga bgad 3agbany heyya leh tant elly akid mesh mabsouta bel gawaz dayman tes2alek mesh hanefra7 biky ma3a enaha momken matkonsh far7a wala nila w akon mesh mabsouta zayaha fel gawaz leh betes2al w sha3´la dma3´ha awy b om el 7ewar!!

Bossy ya Hadee el 7ewar bta3 el gawaz fe3lan mohem bas law mesh haykon wiz the right person elly ye7termek w y2adarek yeb2a malosh ay 30 lazma w ba3dein bardo mesh me7tag kol el sa3y elly el nas bete3mello w zay ma ykon fe3lan howa asma ma3any el 7ayah!!

Option w absolutely kaleminy 3anhom ma3reftesh a2rahom bgd!!

Hadee move on bgad I like it : )

Anonymous said...

Laila

Galaxy said...

aktr 7aga 3agabetny en el mogtam3 by7'alena shayfeen en el gawaz da el hadf el wa7eed le el 7ayah

هديل مصباح said...

sa7 bas heya mesh moshkelt el mogtma3 3lshan howa zalem heya 7agat et3odo 3lyha welly 2ablhom etwedo 3lyha en el set malhash 3'er el gwaz we enha law ma3mltesh keda tb2a fashlt

Fadwa Ghoraba said...

Bas el moshkla an el nas aly tafkerha mokhtlf 3an tafker el mogtam3 zayek bt3eesh 7yatha t3bana...wa htfdly 7asa an anty mashya 3aks el tayaar..so at some point you have to let go and stop valueing what ppl think
I agree lma ntgwz el 7orya htro7 wa el mas2olyat hteegy bas bardo aked fe 7agat 7lwa kteer fe el mokabel...it may be hard but it's worth it if you are with the right person just like Laila said

هديل مصباح said...

mafesh 7ad fena ma3ndosh fe 7ayato tant de, we ana nefsy nytla3 el mawdo3 men dem3'na shwya

هديل مصباح said...

ana shyfa ya fadwa en elwa7ed y3mel ay 7aga 3lshan howa 3yez y3mlha we moktne3 beha de fe nas betwsal enha tetgawez ay 7ad 3lshan bas shaklha ba2a we7esh we aho del ragel, el nas de bet3esh we tmoot ma3mltesh 7aga heya bt7ebha we bet3mel kol 7aga 3lshan el shakel el egtma3y. eh faydto law ana mesh sa3eda

Basma Nasr said...

DOOOOLA 7ABIBTYYYYYYY..........fanana fanana ,ya3ny
anty tfawakty 3la nafsek aslan ,w astmerrrrrrrrrr

Anonymous said...

wowwwwwwwwwwwwwwwwwwwwwwwwwwwwww
ezay to7faaaaaaaa kedaaaaaaaaaaaaaaaaaa
walahyy bgdddd u r right fi kol lklmaa 2oltiha
enty msh mot5ylaaaaaaa ana mo3gba biha ezay bgddd
chapeau ;)


khadiga

Anonymous said...

begd begad kalam gamd geden
w gh fe elgoon ya hadeel

Anonymous said...

bdaya mwafaka ya dola.. really!
elmawdo3 w elmadmon.. you have the ability to express your thoughts more in writing.. I've always known you as a deep person but not that good in expressing yourself.. I really loved it and want to read more from you..
Nihal :)

هديل مصباح said...

thx nihal, u will isa

Anonymous said...

كنت لسة بفكر في نفس القضية دي يا دولا وعمري محسيت النعمة الكبيرة اني بنت الا الايام دي لما لقيت ان البنات والستات هما الي بيعملو كل حاجة في كل حاجة هما الي بيمشو الدنيا كلها وكل المسؤوليات عليهم والرجالة بياخدو على الجاهز دائما وابدا

Meanass Hashem said...

t7fa ya dola

هديل مصباح said...

begad ya meno :))))

Meanass Hashem said...

bgd wallahi ya dola 1st ana 3gbne awe mwdo3 el group 2nd el topic ele ente katbaha 2slobo funny w sahl wwak3e klna 2s2lne el 2s2la dh :(

هديل مصباح said...

‎7ata enty ya meanass ra3'em enk ma5toba el nas mesh syben 7ad fe 7alo ma kol wa7ed y5aleh fe nafso
invite ur friends ba2a

Mennatalaah A Saleh said...

Haelaaaaaaaaaa :D fe 7eta da7ketny awe :D bt3et " tab leh elwelad mabel3bosh be 3aresss " lol f3ln tasa2ol mohem :D

هديل مصباح said...

ana shaka en israel wara el mo2mra bea3t el 3arosa de

Mennatalaah A Saleh said...

loooooooool wlahy enty dema3' :D

Amira Adel Allam said...

kalam 7elw awiii ya Hadeel w by7slna kolna kteeeeer :D

هديل مصباح said...

know ya amira 3lshan keda ana karart akteb 3an el 7agat el ketera el 3'areba fa 7ayatna

Halols Salah Eldeen said...

begd begad kalam gamd geden
w gh fe elgoon ya hadeel

هديل مصباح said...

rabena y5aliky lya ya hala elwa7ed et5na2 ba2a men el nas y2ololek e3mly 7aga we homa asln 3andhom mashakel feha leh mansebsh kol 7aga tegy fe wa2tha we manst3glesh la2n el wa2t elly byde3 3omro mabyrga3 tany we ben3od ne2ol fen ayam zaman mazamn dah e7na kona feh mest3glen en delwa2ty yegy

Fatemah El Zahraa said...

hi, i like it begad, mawdo3 el 3ares yegi 3ala mahlo, 2lnas daymn yeshofo wa7da and they say: ya rab yeb3atlek 3ares., and the funny thing lw enti betshtaghali fe makan aw fee course for example w ma3reftesh tezabati 3ares , tel2i elnas el... 7awaleki say ya benti ma fesh 7aga keda aw keda..
change ur job... :)
ka2n el denia 5erbet mn 3'er 3ares elwa7da tezabato mn 2l work mathalan. ;)
See more

هديل مصباح said...

aywa we law ry7a 3ed milad aw fara7masln ba3d matrg3y y3do y2ololk eh zabty y3ny ana ma5lo2a fel donia de 3lshan azabt bas
thx fatima we ana bakteb 7agat gededa delwa2ty hat3gbk isa

Samar Ismail said...

ya dola ya gameeeeed estamreeee 2a yadol walahy kalam gameed

Mariam Gaber Mohamed said...

gr888 :)) believe in it aweeee

Hala Mohamed Said Geanedy said...

you are extremelly talented ya dola, i feel every word we el topic raw3a, bgad soooooooooooo proud to have a cute friend like u Ba7ebek awyyyyyyyyyy

هديل مصباح said...

i'm the one who is proud and happy to have such a friend like u in my life. I do lvu u and all my friends who encouraged me alot

Dolly Badr said...

‎7elwa 2wyy y doola enty katba motameeyza yabenty belzat 3agbny 2wyy 7ekayet el 2al3a ely f el 27``er dyy keep it up y dola :)

Mohammed Al-Azhary said...

حلوة يا هديل .... :)

علي فكرة انا مالقتش اجابة منطقية للسؤال دا ..
طيب سؤال رفيع هنا يقى هى ليه اسمها عروسه مسمهاش لعبه لا بجد ليه اسمها كده فى مؤامره علينا يا رجاله طيب ليه الولاد مش بيلعبوا بعريس
!!!
:))))

هديل مصباح said...

thx mohamed :)

Mohammed El Said Solayma said...

انا بصراحة عاجبني السؤال ده

ليه الولاد مش بيلعبو بعريس

ببساطة لينا إهتمامات أخرى

مقالة ظريفة

Maha Potter said...

موضوع جميل استمري علي كدة عايزين نشوف جديد

هديل مصباح said...

thx maha :) i will isa

Asha Eltorkey said...

موضوع دمه خفيف بس هو فعلا هو ده اللى بيحصل اصل انا لسه مخلصه ثانويه السنه دى ومعنديش خبه فى المواضيع دى......................................تقبلينى صديقه ....شريم

Sarah Gomaa said...

موضوع جميل جدا يا هديل
تعرفى كمان بيحصل ايه فى مجتمعنا
تلاقى البنت لما تنجح فى الاعدادى يقولوها عقبال ما نشرب شربات فرحك
تنجح فى الثانوى يقولولها عقبال ما نشرب شرباتك
وكل التهنئات فى الاعياد والمناسبات العامه والخاصه وكل حاجه بتكون
كل سنه وانتى طيبه والسنه الجايه تكونى فى بيتك
ولا يقولوها تكونى شايله ابنك على ايدك
يادى النيله
هو ليه كده طيب
ليه مش بيقولولها السنه الجايه محققه نفسك فى شغلك
السنه الجايه عامله اى حاجه كويسه
ليه حاصرين تقدم البنت سنه بانها لازم تتجوز
الجواز مش كل حاجه يا جماعه كده
هوه اكيد مهم بس مش اللى يتعمل عليه كل اللى بيحصل ده
انا عاجبنى جدا مسلسل عاوزه اتجوز لانى قريت الكتاب بتاع غاده عبد العال
وكمان هند صبرى ممثلاه حلو اوى
بس برضه فكره انى حموت واتجوز دى حاساها متنفعش تبقى محور حياتنا

موضوع جميل يا هديل بجد
للامام
الله ينور

هديل مصباح said...

عندك حق ياساره احنا مش بنقول ان الجواز مش مهم اكيد اى حد عايز يتجوز وده طبيعى بس فى حاجات كتير تانيه مهمه غيره وهو مش اهم حاجه ولا سبب وجودنا فى الحياه
شكرا بجد ليكى ياريت تقرى باقى مقالاتى

nahla said...

to7fa to7fa to7fa la2 bgd ana 7asaki gedan w enti btktbi ta2reban kol elli 2olteh bydor f dma3; ay bent w howa da elli by7sal m3aha

هديل مصباح said...

thx nahla we by7sal ma3ya ana kaman

ahmed samir said...

أسلوب جيد جداً