الحظ لما يهادى ....... يخلى الاعمى ساعاتى

Thursday, 2 December 2010

يعنى ايه صاحب؟

ليا واحدة صاحبتى كنا صحاب اوى ايام المدرسة وبعدين معرفش اية اللى حصل بقيت اعرف عن بواب عمارتنا اكتر ماعرف عنها مع اننا ساكنين فى نفس الشارع لكن بعدنا والدنيا خدتنا وحتى مبقيناش بنشوف بعض، وانا بقى فضلت طول عمرى حاطة الموضوع دة حلقة فى ودنى ..... ورقبتى ..... ومعلقاه فى مخى كمان .....، معرفش لية يمكن علشان الواحد ايام المدرسة كان عندوا يدوب كام صاحب يتعدوا على الصوابع فبالتالى خسارة اى واحد فيهم تمثل خسارة فادحة فى ميزان صداقاتة او يمكن علشان انا كنت بحبها اوى رغم شخصياتنا المختلفة وعيوبها الكتير وعيوبى الاكتر او يمكن علشان دايما صحاب المدرسة عاملين زى الخبطة اللى بتعلم كل ماتشوفها تحاول تعرف اية اللى خلاك تتخبط بس مبتعرفش

المهم انا خدت واديت مع نفسى واتفقت معاها انى مش هاخسر صاحب تانى مهما حصل، لانى دايما بشوف اللى معندوش صحاب غلبان اوى حتى لو كان مبسوط بحالة كدة وعمرى مافهمت ازاى الواحد ممكن يعيش من غير مايكون فى حياتة حد دايما فاكر انة بيحبه اكتر من اخواتة بس هو فى الحقيقة بيحبه اد اخواتة، ازاى معندوش حد بيفهمة اكتر من نفسة مهما كدب علية، حد يعقلة ويمنعة يعمل حاجات لو عملها هيفضل يضرب نفسة بالجزمة طول عمرة، حد يعد ينصح فية ويخنقة من كتر النصايح كأنه مصاحب الحكيم لقمان، حد تجرى علية وتكلمة اول ماتكون فرحان ولما تزعل هو اول واحد يعيط معاك، حد يعملك قرد علشان يبسطك ولو اتبسط ينزل يرقص معاك فى الشارع، حد يزعقلك لما تعمل حاجة غلط كأنة معرفش يربيك، حد يحسسك انة اكبر منك وعارف كل حاجة مع انة كتير ممكن يكون اصغر منك، حد دايما بيفكرك بعيوبك اللى لازم تغيرها كأنة هو كامل كمال الكامل، حد اول ماتتخانق معاة بتقول لنفسك انا خلاص زهقت بقى وبناقص وبعدين بتلاقى نفسك لا اراديا بتكلمة تانى، حد بتلاقية اول واحد جنبك لما تقع واول واحد جنبك لما تقوم، حد فى يوم فرحك يبقى فرحان وبيعيط يمكن اكتر منك، حد بيحبك زى مانت بهبلك، باحباطك، بترددك، بالتعب اللى فى دماغك، بنيلتك الكحلى، بقصصك الفاشلة، بذوقك الوحش، بكل عيوبك حتى لو كان عندك ميزة واحدة بس

وحاولت بقى بقدر الامكان الحفاظ على اللى باقى من صحاب المدرسة، مهم دول تراث الواحد اللى هيكمل علية بعد كدة امال يعنى لما يروح الجامعة هيقول لمين ان الدنيا وسعت علية اوى من غيرهم ويعد يلعن فى مكتب التنسيق اللى فرق مابينهم وكل يوم بليل يفكر فى التحويل لكليتهم حتى لو كانوا هما طب وهو فى اعلام ويبقى مش مصدق انة بقى بيعمل كل حاجة لوحدة ومبقاش لاقى حد يتمشى معاة لغاية الجامعة وبقى مضطر يعرف ناس تانية يكملوا معاة مسيرة الجامعة بعد ماكانت حياتة مفيهاش غير اهلة وصحابة بتوع المدرسة

كنت فاكرة انى عمرى ماهحب صحاب الجامعة زى المدرسة، بس دة كان فى الاول لكن بعد كدة لاقيت ان صحاب الجامعة بيبقى ليهم معزة خاصة فى قلب الواحد، معزة متقدرش متضحكش لما تفتكرها وتفتكر دنيتك اللى عرفتها معاهم واحلامكوا اللى كنتوا لسة بترسموها مع بعض، احساسك وانت رايح الجامعة كنت بتكره اوى تروح المدرسة بس كنت بتحب اوى تروح الجامعة، المحاضرات اللى كنتوا بتناموا فيها، الاسئلة اللى ياما اتسألتوها وعمر محد فيكوا عرف يجاوب حاجة فيها، لما كنت انت اللى بتتكلم وفى الاخر هما اللى يتطردوا من المحاضرة، ضحككوا على الدكاترة، السينما اللى كنتوا بتروحوها بين المحاضرات، والمحاضرات اللى كنتوا بتفوتوها علشان تقفوا قدام الكلية، قصص اعجابكم الصامت الكتيرة اوى بولاد الكلية، بندم ايام الامتحانات لانكوا مش عارفين هتذاكروا منين ولا خدتوا اية اصلا، حاجات كتيرة اوى متتعوضش ذكريات اربع سنين بالعمر كلة بتفتكرها كلها لما تروح فرح حد منهم مش مصدق ان الاحلام بقت خلاص حقيقة وصحابك بتوع امبارح هيبقوا خلاص امهات

لكن الدنيا بترجع توسع اكتر المرة دى لانك لا معاك صحاب المدرسة ولا حتى الجامعة لوحدك كومبلتلى مع نوعيات الناس موردتش عليك قبل كدة، وكتير فكرت انى كفاية عليا الصحاب اللى عندى لانى مهما صاحبت مش هقابل ناس وفية زى بتوع المدرسة ولا زى اوى زى بتوع الجامعة، لكن الواحد ميقدرش يعيش من غير صحاب فى الشغل طيب مين هيكلمة لما يتأخر يشوفة مجاش علية، مين هيغطى علية ويروحوا هما الاتنين فى داهية فى الاخر، مين هيعد يعملة حركات بتضحك لما يكونوا فى اجتماع، مين هيعد يسألة من اول اليوم هناكل اية النهاردة، مين هينزل معاة بعد الشغل يشترى هدوم علشان عندة عيد ميلاد، مين هيسيب الشغل علشانة ويعد يحللة فى مشاكلة، مين هيعد يعمل معاه خطط علشان ياخد اجازة، مين اللى هيخلية قادر يروح الشغل كل يوم علشان عارف انة موجود هناك

بس بردة لما بعد مع افكر مع نفسى بالاقى انى رغم كل محاولاتى خسرت ناس منهم، علشان مبقيناش بنكلم بعض، او علشان اتخانقنا مرة وكل واحد اتمسك بموقفة وفضلنا على كدة وبقى البعد هو الطبيعى والقرب هو اللى صعب، او علشان اسباب من تفاهتها ساعات حتى مبتعرفش تفتكرها من اللى زى الاكسيل بيتحول عربى ازاى وهوب خسرنا بعض ومبقيناش بنكلم بعض تانى

لكن اللى انا عارفاة دلوقتى ان الخسارة صعبة وكبيرة اوى، عمرك مبتفهم ازاى حد كان عارف عنك اكتر من اللى يعرفة عن نفسة دلوقتى انت مش عارف هو فين وبيعمل اية، ذكرياتك مش عارف تفتكرها لان الناس اللى كانت معاك فيها مبقوش موجودين فى حياتك، خسرت ناس علشان اسباب مهما كانت كبيرة هيفضل دورهم فى حياتك اكبر منها بكتير اوى، بتعد تندم على حاجات مردتش تعديها وكنت شايفها كبيرة اوى فى ساعتها بس لما بتفتكرها دلوقتى مش بتصدق انك خسرت ناس علشانها وتعد تقول لنفسك لو كان كل واحد اتنازل شوية، بتلاقى نفسك نسيت حد حبيتة بس مش قادر تنسى حد كنت صاحبة





31 comments:

Mai Darwish said...

yes ya Hadeel but the issue is that en el wa7ed byfakar kda w yb2a sa3ban 3aleeh el 3eshra d tdee3 w the other friend Does Not care aslan, w yoom ma sa7bety d btfoo2 byb2a too late l ennaha ma2adretsh my feelings at first time, w now b mazagha lama bas dnya fdyet mn 7awaleeha. hwa mawdoo3 bey3ady law wa7ed bas saboor w msh calculative w s3at sadro 3alya .
i like this article so much :-*

Anonymous said...

<><> DolA, KLAMEK DGAD AMAZING,,, BGAD ANTY SA7BA 7LWA AWY W MN EL NAS ALLY MYNF3SH YTNSO FE EL DONYA DE W MSH BN2BLHOM KTEER FE 7YATNA , BAS KOL ZKRA M3AKY MB2DRSH ANSAHA M3AKY 7SL 7GAT KTEER,W M3AKY D7KT 2WY 2WY 2WY MN 2LBY :) WS3B 2WY 7D YS3D ELLY 7WALEH KDA W D7KO MN 2LBHOM, BAS ELLY HYGNNY EZAY B2ETY KATEBA WHMYA KDA WANA M3RFSH ,,BGAD ANTY GAMDA GDAN ,,MISS U :)

basma kamal said...

<><> DolA, KLAMEK DGAD AMAZING,,, BGAD ANTY SA7BA 7LWA AWY W MN EL NAS ALLY MYNF3SH YTNSO FE EL DONYA DE W MSH BN2BLHOM KTEER FE 7YATNA , BAS KOL ZKRA M3AKY MB2DRSH ANSAHA M3AKY 7SL 7GAT KTEER,W M3AKY D7KT 2WY 2WY 2WY MN 2LBY :) WS3B 2WY 7D YS3D ELLY 7WALEH KDA W D7KO MN 2LBHOM, BAS ELLY HYGNNY EZAY B2ETY KATEBA WHMYA KDA WANA M3RFSH ,,BGAD ANTY GAMDA GDAN ,,MISS U :)

hala said...

كلامك صح يا هديل بس مشاغل الدنيا ديا بتاخدنا بس كلامك ده فكرني بموقف انا وانتى عملناه في الشغل وخلاني اضحك موقف لما اناخطط انك ازاي تنزلي من الشغل لمدة ساعة علشان تعملي انترفيو في مكان تاني وخلتني افتكرت الموقف وقعدت اضحك والله كانت ايام لذيذه

Anonymous said...

جميل فعلاً أن تحتفظ بصديق .. بعد مرور كل تلك السنين ..بكل المميزات و العيوب .. بكل النصائح و الأرشادات المتبادله و الهبل و التهييس و المصايب و الجنون و زعيق الجيران و تهزيق الأهل و المصروف اللي بيروح كله علي رجل المستحيل و ملف المستقبل , و الخناق مع سواقين التاكسي و الميكروباصات و الوقفه علي الناصيه و أول سيجاره والانترنت كافيه في ثانوي

خبرة قصص الحب الفاشله .. و كلمة( مش قلتلك مش هاينفع الحوار ده؟؟ ) و إتصالات الساعه 3 الفجر .. و نزول كوبري الجامعه فجأه الساعه 4 الفجر عشان طقت في دماغنا نتمشى نص ساعه و نرجع !! .. و طبعاً فلوس الدروس اللي بتتصرف في مكتبة الاسره علي مصطفي محمود و نجيب محفوظ و الأخ ديستوفيسكي .. و النفسنه في التباهي و التفاخر و إنت بتقول ( أنا خلصت إله الذباب ) و بتطلع له لسانك .. و الملخصات و الملازم و المزاكره طول الليل أيام الامتحانات في الجامعه

أول شغلانه .. و الشكاوي من الهم اللي فيها .. والناس اللي حواليك .. وزمايلك اللي مستصغرينك .. و الجدعان .. و مديرك الرخم ..

و نصائح الخطوبه و التحويش و تشطيب الشقه .. و( إصبر .. إصبر .. إستحمل .. بكره هاتتحل .. ماتتخانقش علي دي مش مستاهله .. يا عم كل البنات دماغها كده !! .. يا عم معندهاش خبره .. يا عم كل الحموات كده !! .. إصبر بس و ربنا هايحلها .. ضاقت فلما أحكمت حلقاتها ).. و ( يا عم في غيرها 10 .. ماتزعلش نفسك )!!!ا

كل تلك الذكريات .. إذا ما تواجدت مع شخص واحد .. كلها .. تعطي عبقاً .. رائحه .. يصعب صنعها او إبتكارها مرة اخرى !!
===
فعلاً جميل - و مفيد - إنك تخرج بصاحب بعد ده كله
حتى و إن كان صاحب واحد بس

رائع يا هديل

Hadeel Mesbah said...

mesh ymkn ya mai sa7btk de hya kaman betfkr we s3ban 3lyha el3eshra bas kebry2ha man3ha zyna kolna ma7na benfaker keda anyway lazem nefker fel 3eshra wel7agat elly bena 2bl ay 7aga 3lshan manendames

Hadeel Mesbah said...

enty nesty te2oly ya o5t basma eny yama et5n2t ma3aky we 2alt adby we 3amlt 7agat keter awy we7sha
elmohem ra3'em enena man3rfesh ba3d men zaman bas ana ba7ebk
ah shofty ba2a el3lmya gaya isa

Hadeel Mesbah said...

فاكرة يا هالة ياههههههههههههههه يخرب بيت دماغنا

Hadeel Mesbah said...

بجد كلامك حلو اوى بس متقولش بس البنات كلها دماغها كدة دانت فى جمعية المرأة المتوحشة

Omnia Adel said...

nas kteer btooh mnna fe eldonya w btoh m3ahom elzkryat w bnb2a msh 3arfen ezay momkn nrg3hom fe 7yatna mn tany bs hwa nsib fe elawl w el 2a5r w lsa eldonya hatwrena kteer
Friday at 18:06 · LikeUnlike

Fatma Elsherbiny said...

yaaaah ya dola 7elwa awy awy awy w sooooo true :)

Hadeel Mesbah said...

sa7 ya omnia bas fe nas tstahel enena ne7amwel nerg3hom mara wetnen we talata
kont 3rfa ya fatma enha hat3gbk 3rfa ana kont b3yt we ana baktebha

Fadwa Akthem Ghoraba said...

‎2alla howa el Excel byt7wel 3araby ezaaaaaay :DDD???
♥ u ya Dazmaaaaa :)))
I like gedaaaaaaaaaan ;)

Laila Abd El Hady said...

So touching ya Hadeee! Like it gdn : )

Hadeel Mesbah said...

luv u too fadwa
dah el3ashem bardo ya laila

رحاب المليحي said...

اولا منورنا يا هديل :)
ثانيا
كلامك جميل جدا.. فعلا مفيش أحلى من الصحاب فى الدنيا.. هو ده اللى الواحد بيطلع بيه.. وهما دول اللى بيكونوا سنده فى الحياة.. مهما كان ليكى زوج وأولاد وحياتك بقيت مشغولة بأسرتك.. ماتقدريش وماينفعش يحلوا محل أصحابك برضه.. دول ليهم معزة ودول ليهم معزة تانية خالص
لما الدنيا بتسود فى عينيكى هتجرى على التليفون وللا على النت وهتكلمى حد منهم تفضفضيله.. مش مهم يفيدك مش مهم يهديكى.. المهم يسمعك وكأنك بتكلمى نفسك بصوت عالى
الصاحب بقى عمله نادرة دلوقتى.. ف لما نلاقيه لازم نمسك فيه بإيدينا وأسناننا

بس نصيحتى لكى مش مهم كتر الأصحاب.. مش بعددهم ولكن بصدقهم وحبهم ليكى

Hadeel Mesbah said...

انا مش بقول ان الواحد لازم يكون عندة صحاب كتير بالعكس انا بقول ان الواحد يحاول على اد مايقدر يحتفظ بالكويسين منهم وميضيعش حد على اساس انة عندة كتير لان فى ناس متتعوض

semsema omar said...

بجد كلامك تحفه ياهديل ولمس حاجات كتير جوانا مش عارفه اقولك ايه بس نزلتى دموعى وفكرتينى بأجمل سنين عمرى وأجمل أصحاب ...
أختصرتى مشاعر وذكريات كتير اوى بالكلمات ...اتمنى ان محدش يخسر اى صديق ليه فى زحمه العمر ومشاكل الحياه لان بجد الصديق بقى عمله نادره
احييكى على الموضوع الجميل واتمنى ليكى التوفيق

Hadeel Mesbah said...

شكرا يا سمسة مش لوحدك اللى عيطتى وانتى بتقرأيه انا كمان عيطت وانا بكتبه وانا بقراه بعد كدة.انا كمان مش عايزة حد يخسر صاحب مهما حصل وياريتنى اعرف ارجع صحابى اللى خسرتهم

Meno Mercedes said...

الله عليكي يا هديل :)

Hadeel Mesbah said...

شكرا يا مينو

Yara El-Husseiny said...

Very true... Chapeau Hadeel Mesbah

هديل مصباح said...

:):):):) thxxxxxxxxxxxxxxxxxxxxxxxx​xxxx yara

Rania Salah Seddik said...

very nice and true, mish 3arfa a3mel like 3la el blog :-9

هديل مصباح said...

thx rania
elblog mafehosh like only comments

Rania Salah Seddik said...

tab maynfa3sh to add a like option? bas anyway, a very nice article and my heart is still beating

هديل مصباح said...

blogger doesn't contain this option lel2sef
this article is from my fav too

thx manal said...
This comment has been removed by a blog administrator.
Manal Talaat said...

لأ بجد والله أسلوبك رائع وكلماتك جميلة ومعبرة كأنها بتعبر عن أفكارنا كلنا بالتوفيق يا حبيبتي إن شاء الله .. وأكيد هاحب أقرا لك تاني

هديل مصباح said...

ربنا يخليكى

Manal Talaat said...

جميل أوي بسم الله ما شاء الله