الحظ لما يهادى ....... يخلى الاعمى ساعاتى

Monday, 14 March 2011

يا ترى ليه

احنا ليه دايما بنفترض اننا لو كنا كملنا مع اللى حبناه كنا هنبقى اسعد من دلوقتى، ولما بنزعل على اى حاجه واحنا طبعا بنزعل كتير دايما بنفتكر ونقول "اه لو"، ياترى جبنا الثقه فى لو دى منين ومين قالنا اننا هنبقى سعدا

لما اى حد بيجى يواسينا ويقولنا ده ربنا بيحبك بنقوله اه، بس من جوانا مش مصدقين حتى لو عارفين ان حياتنا معاه كانت هتبقى سوداااااااااااااااااااااااااااا، بنقول لنفسنا سودا سودا بس نكون مع بعض، ليه كنا راضين بالحياه السودا وهى اللى مرضيتس بينا

لما اى حد بيقولنا ده الخير لينا، بنبقى متأكدين ان ده الخير لينا بس مش مصدقين ان الخير ممكن يكون فى البعد عنه لاننا عمرنا مهنعيش حياه سعيده من غيره طب ازاى يكون هو ده الخير

لما حد بيقولنا بكره ننسى بنقوله انت مش فاهم حاجه واللى بره مش زى اللى جوه، ومش عايزين حد يكلمنا فى الموضوع ده تانى لاننا عايزين ننسى ومش عايزين، ننسى علشان منفكرش كل شويه فى السعادة اللى كنا هنعيش فيها معاه، ومش عايزين ننسى علشان كل اللى فاضلنا دلوقتى هى الذكريات دى

ولو فكرنا فى النسيان بنبقى عايزين نفقد الذاكره، علشان ننسى كل حاجه حتى احنا مين، لاننا لو نسيناه هو بس هنفضل فاكرين حياتنا كانت ازاى واحنا معاه

مش حاسين ان بكره اللى هننسى فيه ده هيجى فعلا، وليه الناس اللى بيقولولنا كده مش فاكرين نفسهم اصلا لما كانوا زينا

بنفضل فاكرين الحلو بس وننسى الوحش كله، حتى لو كان كله وحش بنفتكره على انه حلو ونحن ليه

لو عرفنا انه بقى مع حد تانى بنزعل اوى، علشان واحده تانيه خدت سعادتنا اللى كنا هنعيش فيها معاه

مش بنصدق ان اى خرم قلب مش اخر الدنيا، وان ممكن دنيا تانية نشوفها من الخرم ده

مين اللى مش فاهم، احنا ولا هما، طب احنا ليه بنفكر كده، زعلانين ليه علشان مش حاسين اننا ممكن نلاقى حد تانى زيه ولا علشان ممكن منلاقيش حد تانى يحبنا، ولا علشان خايفين اننا منقدرش نحب تانى، ولا علشان السعادة اللى حسينا بيها كانت مختلفه عن اى سعادة تانية حسينا بيها فى حياتنا وخلاص بعد مالاقيناها واحنا اللى فضلنا نجرى وراها بالمشوار راحت تانى

ولا علشان ايه

10 comments:

Anonymous said...

كنت قرأت في ذاكرة الجسد .. في الصفحه الأولي .. جمله جميله جداً
( ما أجمل الذي حدث بيننا . . ما أجمل الذي لم يحدث . . ما أجمل الذي لن يحدث !! )ا
رغم إن الروايه كلها بتحكي عن فراق
و إستغربت برضه
بس الأجابه صغيره أوي و بسيطه
أحمد خالد توفيق بيقول لك ( يولد المرء بقدر معين من الرومانسيه , و غالباً مايستنفذه مع الحب الأول !! ) !!ا
فهمتي ؟
إحنا مش بنحزن عشان فارقنا حد .. إحنا بنحزن عشان الأطلال اللي واقفين فوقيها , و اللي منظر خرابها و دخانها الأسود و طيور العقاب اللي بتحوم فوقيها مستنيه تنقض على جثثنا طبيعي إنه يبكينا .. عشان الأحلام اللي نفوسنا حلمتها و اللي منينا نفسنا تتحقق و طلعت مجرد أضغاثُ أحلام .. لا أكتر ولا أقل !!
عشان النسيان هايعني إن كل ده - فعلاً - كان وهم !!

إحنا بنحزن عشان نفسنا

عشان كل ما نوزن نلاقي لسه ناقصنا حته

إحنا بنحزن عشان .. ( لا شئ يعجبنا ) لكننا تعبنا من السفر .. و كنا عايزين ننزل هنا وخلاص .. حتى لو كانت المحطه جهنم

شعور بالفشل .. بالضياع .. بإن الشخص اللي فارقناه ده كان مسمار - حتى لو كان مصدي - فهو كان مسمار ساند صنم الثقه بالنفس و الشعور بإن بكره ( ممكن ) يكون اجمل

===
"أبشع شيء ليس الحزن ولكن اختفاء الحزن".

Hadeel Mesbah said...

انا حاسه انك كاتب كلام احلى منى

Laila Abd El Hady said...

Mesh 3ashan ay 7aga 3'eir en e7na 7abin n3ish elly konna 3ayshino w n7es elly konna 7assino 3ashan howa e7sas mafish 7aga fel donia equal lih...
Bas fel akher ah elly gowa mesh zay el bara w kol 7aga bas elly gowa da hayensa hayensa fel akhe...r mahma el mawdo3 khad wa2t wel tagroba asbatat zalek :D:DSee more

Hadeel Mesbah said...

dah sa7i7 ya o5t laila wel 2otna mabtkdbesh

Fadwa Akthem Ghoraba said...

‎3lshan abn adam 3aino far3'a maymlhash ella el torab..wa el hebab !!

Hadeel Mesbah said...

fe eh bas ya captain

Işık Bella said...

nice

Hadeel Mesbah said...

thanks alot :)

Işık Bella said...

welcome 10000x :)

♥●• Izdiher·•●♥ said...

thanks ya Hadeel,I mentioned you there .I'm really sorry I forget about you :)