الحظ لما يهادى ....... يخلى الاعمى ساعاتى

Friday, 5 November 2010

اتمنالة يطير

غريبة اوى اغنية اتمنالة الخير بتاعة انغام، انا معاكوا انها حلوة بس مش منطقية خالص كل ما الواحد يجى يطبقها فى الواقع يحس ان يا انغام جاية من كوكب تانى ياللى بتحبة هو اللى جى من كوكب تانى ياحنا اللى وحشين والمفروض دة يكون شعور اى واحدة اللى حبيتة سابها يا الست انغام عمرها ماحبت اصلا او حظها كان حلو واللى حبتة مخرمش قلبها، ماهو لو خرمة اكيد كان زمانها ماقلتش اتمنالة الخير كانت قالت اتمنالة يطير بس من الدنيا

احساسك وانتى بتسمعيها زى احساسك بالظبط لما تسمعى واحدة صاحبتك بتكلمك على كانت بتحبة اللى كان عامل زى البصلة كل قطمة بدمعة ومع ذلك بتقولك متشتمهوش (طبعا انتى مؤدبة ومبتشتميش) او ادعيلة (بردة انتى كويسة ومبتدعيش علية) او ربنا يهدية (لا حول ولا قوة الا بالله قلبها كبير) او انا لو شوفتة هاسلم علية عادى (دى بقى اكيد كانت مع انغام فى المدرسة) اكيد دول كلهم خرجوا من المستشفى من غير مايكملوا علاجهم

واحدة تقولك انا هاسلم علية والتانية تقولك اية يعنى يفوتنى وينسانى ماهو ياما اتحمل علشانى ماهو ياما كان قلبة عليا، هى الحكاية عمرها ماكانت حاجة قصاد حاجة يعنى هو علشان اتحمل علشانك دة اذا كان اتحمل حاجة اصلا يبقى ينساكى عادى اية الحلاوة دى دانتى على كدة كان المفروض تسبية وتروحى تتجوزى اخوة مانت بردة عملتى علشانة حاجات كتير

ولا الجزء اللى بتقول فيه اتمنالة الخير ماهو قبل مايجرحنى داوانى كان عمرى وكان هو زمانى كان قلبى وروحى وعنيا، دانتى الجرح الوحيد الموجود فى حياتك هو جرحة الجرح اللى كل مابيلم بيرجع يفتح تانى كل مابتعرفى حاجة عنة او كل ما بتفتكرى اللى كان عمرك وزمانك عمل فيكى اية

والجزء اللى بتقول فيه هفتكرلوا حاجات كتير كانت مابينا هفتكر ايام هوانا والخطاوى اللى فى طريقنا لما كنا بنقسم الفرحة فعيونا هفتكرلة حاجات كتير واتمنالة الخير، اهو دة بقى بالذات الجزء اللى انتى مبتحبيش تفتكرية قصة حبكم وكل حاجة عملتوها سوا، كل حاجة حلمتوا بيها سوا، كل خطوة خطتوها سوا، لما كنتى بتبسطى لما تشوفية وتتكلمى معاة، لما بتفتكرلى كل الحاجات دى صعب اوى تتمنيلة الخير

والجزء اللى بتقول فية هتمنالة الخير من قلبى علشان يستاهل دانا هتمنى تلف الدنيا تانى تانى ونتقابل، اهو دة لما بتسمعية بتفتكرى المثل اللى بيقول ادعى على اللى خرم قلبى وابوس اللى يقول امين علشان يستاهل، وانتى فعلا بتتمنى تلفى الدنيا تانى على رأيها اول مرة تقول حاجة صح علشان نتقابلوا ومتحبيهوش اصلا او تعملى فية نفس اللى عملة فيكى

والجزء العظيم اللى بتقول فية هفتكرلة حاجات كتير كانت مابينا هفتكر لحظة لوقانا وانسى لحظة مافترقنا، بس انتى الصراحة عايزة تنسى الاتنين هى عايزة تفتكر هى حرة اما انتى عايزاة يروح يعيش فى الكوكب التانى بتاع زميلها مدحت صالح وكفاية بقى اللى عملة فى الكوكب دة

اول مرة بتسمعى الاغنية دى ويكون كدة الخرم لسة جديد لانج بتقوللها اسكتى يا انغام اسكتى اتمنالة الخير اية حسبى الله ونعم والوكيل فية ولما الخرم ابتدى يلم وسمعتيها بتقولى لنفسك بلا اتمنالة خير بلا شر وبعد ما الخرم خد وضعة خلاص فى قلبك ومبقاش بيوجعك زى زمان لما يتسمعيها بتقولى كلة سلف ودين حتى المشى على الرجلين ولما بتعرفى ان هو خطب بقى وتسمعيها بتقولى ياعينى على اللى خدتة ابو قلب صفيح دة وبعد كدة لما بتسمعيها بتقولى الله دى اغنية جميلة اوى

وعلى فكرة لو لسة صحابك بيقولولك الحاجات الغريبة اللى بيقولوها ماتفتكريش انك وحشة علشان مش حاسة زيهم ولا حتى هما هبل كل واحد بيتعايش مع الموضوع بطريقتة ومش كل الناس بتقدر تسامح زى بعض وحتى لو مقدرتيش تسامحى المهم انك تقدرى تنسى

9 comments:

Samar Ismail said...

Lw 7atmna 7atmna ene mashofhosh tany ya dola :D:D
bs nice topic ya dola ,,Go ahead b2a ,,luv u :d

Hadeel Mesbah said...

mashy ya o5t samar man7na dafneno sawa

Mariam Gaber Mohamed said...

hadeeel 7elw awe bgd w ana fakart f el 7ewar da kter awe kol ma asma3 el song .. i like the article awe awe bgd ya3ne =))) ..bs 3ande 7aga 3ayza 2a2olha ..bosse ma3ake f kol kalamek w eno 7aga msh wak3iia bs finally ele momken 2a2olo en 7at...ta law el sha5s da 3amal feha kol da hatfdal tefteker en howa zay ma 3amal el 7elw 3amal el we7esh w hatdaye2 lama tefteker el we7esh w hatla2eha lama btfteker el 7elw btd7ak de7ka fehha 7asra shewaya w 7ozn bs finally msh hatnsa el 2 .. so ana shayfa en momken yekon fe3lan feh sha5syat mesam7a w bttmanalo el 5eer fe3lan .. laken feh kesas tania maynf3sh tatmanalo el 5er b ay 7al mn el a7wal w da 3shan bykon nsbet el credit el kewayes 2olayela awe bensba lel we7esh w en el 7aga el we7sha ele et3amalet matt3'fersh .. this my opinion .. sry tawelt 3aleke :D

Hadeel Mesbah said...

ana ma3aky bardo fel 2olteh bas 3'albyt elly betmano el5er we 5ody meny elkalam by3melo keda lenas elshar 2olyel 3alihom de 7aga 7aga tania en fe f3lan nas mesh bet2dar tesam7 dah mesh m3nah enha we7sha heya shyfa en elet3aml feha keter awy... 3lyah we fe nas tanya 7ata law sam7o mesh by2daro ytmano el5er
bosy anyway sw2 3rfa tetmany el5er aw la2 elmohem tensy elly fat we tkamly 7ayatk

Mariam Gaber Mohamed said...

yuppp true ana ma3ake :)

Laila Abd El Hady said...

Yekhreb beit dema3'ek ya Hadee da7aktiny de7k :D :D bas bardo momken asallem 3aleh :D w atmanallo el kheir :P:P

Hadeel Mesbah said...

mashy y5ty

Hoda Abdel Zaher said...

bgd bgd batmnalo yteeer w yseer zay el 3asfeer bdoon jwanee7 7asby allah walhe, ana kaman bostfaz mn el song d w tafseery el wa7ed ya hadeel enha angham ya3ni mosaba b mard 5ater w hya etrt asefa enha tkerho feeha w tb3d 3ashan hatmoot kaman 6 months zay abdel haleem fel film betlomny leeh w lama ghlbn tl3 el tash5ees wel ta7lel ghalt :D:D w hat3esh fe a5er el film w e7na net3aql ba2a msh moshkl ma aslha na2sa

هديل مصباح said...

da7kteny de7k :D:D