الحظ لما يهادى ....... يخلى الاعمى ساعاتى

Saturday 31 December 2011

2011

مش عارفه أحدد موقفي منها بالظبط، مثلا أنا كل ما اجي أفتكر 2009 الاقي مخي بيدي - ايرور- وشعور بالامتعاض، دي كانت سنة ما يعلم بيها الا ربنا، وما أفكر فى 2010 الاقي الدنيا بقى لونها بمبي بمبي بمبي وعينيا تدي قلوب، هي دى السنين ولا بلاش. أما بالنسبة للاخت الراحلة 2011 ( الحمد لله يعني)، فالصراحة مخي ما بيجمعش حاجة خالص


بس لازم نقول اللي ليها واللي عليها، في 2011 عرفنا وعشنا حاجات حاوة، عرفنا يعني أيه ثورة، يعني أيه مصر، يعني أيه وطن، يعنى أيه علم - سبحان الله بقى ليه معنى وبقى مالوش معنى في نفس السنة -، يعني أيه شهيد ويعني أيه أم الشهيد، يعني أيه أنتخابات


وعرفنا حاجات وحشة برضه، عرفنا يعني إنفلات (هو شكله هيأنسنا شوية)، يعنى أيه خوف، يعني أيه ذل ويعني أيه ظلم (كنا عارفينهم من قبل كده بس قولنا نأكد على المعنى)، يعنى أيه بلد بحالها مش عارفه تاخد حقها


حتى لو جيت راجعت أحداثها على المستوى الشخصي هتلاقي إن في حاجات حلوة بزيادة حصلتلك وحاجات تانية وحشة بزيادة برضه، أنا كهديل كنت كتبت في 2010 أن الفشل مش انك ما تكونش زي الناس، الفشل انك تقارن نفسك بالناس لانك طول مابتعمل كده لا هترضى على نفسك ولا عن الناس، وبعد ما خرجت من 2010 وأنا بنقط تفأول، اخيرا لاقتلي حلم والحمد لله طلعلى هدف، وخلاص هانزل كتاب والدنيا هتزهزه معايا (كانت احلام)، وتتوالى الاخبار الغير سعيدة فسخت عقد الكتاب (الحمد لله) والثورة قامت وبقيت مش عايزة أكتب تاني أصلا وكل ماحد يقولي ليه أقوله أنا حاسه إن قلمي مكسور تقولولي مين كسره أقولك معرفش


وبعد ما أقنعت نفسي إني هاجبلها قلم تاني، لاقيت إن حماسي بالكتابة بتاع 2010 عمال يقل يوم ورا التاني، لان الكتاب الللي منزلش كان بقى كل حياتي، كنت لما بقابل أي حد بقوله مش أنا هعمل كتاب (تقريبا تأليف الكتب بيجيب هبل مبكر للمؤلف)، كان حلمي الكبير وأنا عمري ماكان عندي حلم، والحلم ده ربنا ما أردلوش إنه يتحقق، فتخيل لما تعيش على أمل إن في حاجة هتحصل وتقعد مستنيها وبتحلم بيها وبعدين ما تحصلش، ممكن ما ترجعش تحلم الحلم ده تاني أصلا. ولما الحالة إستمرت معايا سألت صحابي من أهل الخبرة قالولي ممكن ده ما يكونش حلمك أصلا يا هديل اللي قعدتي تدوري عليه !!! وكانت هذه مصيبه أكبر، دأنا قعدت 25 سنة أدور عليه، لسه هستنى 25 سنة تانين، ولو أنا إستنيت العمر مش هيستناني


ما تخافوش ما تخافوش أنا رجعت نفسي تاني عايزة تكتب، عارفين إزاي؟ لما قريت كل حاجاتي بتاعة الكتاب اللي منزلش ولاقيتها مش عاجباني ساعتها عرفت إن عسى أن تكرهوا شىء وهو خيرا لكم، رجعت لما لاقيت إن كل الحاجات اللي كتبتها في 2011 أحلى من حاجات 2010 حتى القريبة منهم إلى قلبي (قالي الوداع قولتله قشطه: أرجوكي ما تفهمنيش غلط)، عرفت إن الكتابة قدري لما لاقيتني لسه بدور على أماكن أكتب فيها من غير فلوس، لسه بتبسط لما حد يقولي إنتي بتكتبي حلو - وما بصدقش برضه - ولسه لما ما بقرأ حاجاتي بقول لنفسي " الله يكون في عون الناس هما بيعرفوا يقروا العربي ده ازاي"، ولسه بحب أقرا لناس كتير مبتدئين زيي وبشوفهم بيكتبوا أحسن مني وساعتها بعرف إن الطريق طويل بس أنا عايزة أمشي فيه وكمان مستمتعة بيه، وبفكر نفسي كل يوم إنها ما تقارنيش بغيري اللي وصلوا في أي حاجة وأنا لسه بحط رجلي على أول طوبة في الطريق، وبقنعها أني لو كنت بقيت سفيرة وأنا مش حاسه بيها ولا عايزاها كنت هبقى في نظرها ما حققتش حاجة برضه


وعرفت كمان في 2011 إن فعلا أي حاجة بتحصلك هي الخير ليك حتى لو أنت مش قادر تفهم ده، ولما السنة دى 5 من أعز إصحابي أتجوزوا واحدة ورا التانية، وأكتئبت (وأنا أعز الاكتئاب أوي) وحسيت إن وبعدين وقولت لنفسي دول حياتهم هتتغير ومكاني هيقل في حياتهم وأنا لسه حياتي متغيرتش ومكانهم لسه هو هو في حياتي، ولاقيت إن المعادلة خسرانه، بس لما إبتديت أروح أفراحهم لاقيتني بنسى كل الكلام ده وببقى مبسوطة (فيهم) وليهم وبشوف فرحتي فيهم، ولاقيت دنيتي ما فضيتش زي ما كنت فاهمه، هما أينعم لسه مش فاضينلي بس ربنا عوضني بناس تانية عشان حياتي ما تبقاش فاضية، وأمنت إن ربنا مش بياخد منك حاجة الا وبيديك حاجة تانية أحسن منها حتى لو إتأخرت شويه، وخلي الجواز ينفعهم بقى


في 2011 إتعلمت


it's never too late men hanan


إن لو حبك لحاجة قل مش معناه إنك ما بتحبهاش من فدوى


التفأول من ليلى


إزاي تركن الحاجة اللي مزعالاك في مكان جواك وحتى لو فتشت جواك ما تلاقيهاش من هاجر، اصحى للكلام يا هاجر


كل مابشوف حبك لشغلك وموهبتك يا دعاء بتشجع إني أبقى زيك


كل ما ما بقع في حفرة في الكتابة بجيلك يا هالة علشان عارفة إنك هتقوليلي يا حبيبتي ولا يهمك إنتي بتكتبي حلو


متخافيش يا نهال مش هاعيط على مقال منزليش الا معاكي


وعارفة يا هديل إنك بتقرأي كل حاجاتي من غير ماقولك


ومش عارفه اتخيل حياتى من غير وميناس ومي وهبه (فاكره لما كنا بنقعد تحت بيتي نتكلم عن الكتاب) وهناء وميرام، وعايزة اقولكوا انتوا استحملتوني كتير (وانا كمان استحملتكوا عشان نبقى واضحين) ومهما حصل حياتي كهديل ما تكملش الا بيكوا


وقابلت ناس تانيه غيرت حياتي (او بتحاول) عشان نبقى واضحين، بس الفرق اني انا كمان عايزة اتغير المرة دي


وإتعملت كمان إن أي مطب تقع فيه ممكن تحوله لكوبري تطلع بيه من نفسي (شاطره يا هديل ظبطي العربي كمان وننطلق للعالمية :)) وده بقى اللي هاقوله للناس فان شاء الله في 2012(ربنا يستر عليكوا)




































31 comments:

Hadeel El Sabagh said...

شاطره يا هدييييييييييييييييييييل حلوة اوى بجد ولهى ربنا يوفقك با هديل وتفضلى كده زى ما انتى بس من غيير اكتئاب :-)))))))

هديل مصباح said...

ودي تيجى انا لو مجاليش مش هعرف اعديكى وانا احب اعدى الناس اوي برضه :)))

Hadeel El Sabagh said...

يا ساتر يارب هو انتى مخدش منك حاجة كويسة ابداااااااااااااااااا

Doaa Abd El-Hady said...

A da de 7elwa awy ya hadee w awel mara a3raf enek shayfany keda u never told me b4 =D

هديل مصباح said...

ana kaman awel mara a3rf :)

Fadwa Akthem Ghoraba said...

M3 el e3tzar le laila,bs el tfa2ol dah ana ely m3lmholk mn zman :p :D
Gr8 job as usual ya dola, wlwnk lbakhty brdo w mosera anena msh fadynlek :s bokra nfr7 feky w nshofk ht7l2elna ezay ;)

Laila Abd El Hady said...

‎3agbany b shedda :) 3agebny akher part awy ya Hadee :) :) Ya Rab afdal motafa2la asly 7assa b entekasa !!

Meanass Hashem said...

ana kman bgd msh 2dra 2t5yl 7yaty mn 3'erk t7fa bgd bmot f 2slob ktabtk

Đu Omar said...

i like it sooooooooooooooo much ezay so simplee keda bs v touching begd isA someday u'll be a big writer coz enty bet5oshy el 2alb b kalamk :)

Nada Azzam said...

Amazing ya lolo bdg 7elwa awe w isa 2012 tb2a a7la :)

هديل مصباح said...

‎Fadwa Akthem Ghoraba aywa lesa mosera de mesh 7aga we7sha de sont el7ayah 3la r2y mama
Laila Abd El Hady mesh mohem entksy we erga3y tany
Meanass Hashem ♥
Đu Omar yarab isa
Nada Azzam yrab aked a7la law shoftek b2a

Hoda Abdel Zaher said...

bet ya hadeel ( law tsm7eely a2olk ya bet :D) enty moshkla bgd,, malkeesh 7al ...do ur best w entlqy fe 2012 w khaly el nas hya elly judge u ( the ups & downs always make a unique trend of us) w d msh 7aga w7sha, rbna ywf2ek w y2dmlk el 5er :) w happy new year for all girls

Yasmin Rabie said...

راااااااااااااائع و انا كل تفاؤل بيكى يا دوولة و متأكدة انك هتتحققى حلمك ان شاء الله و قريب اوووووووووووووووووووووووووووى .. و خدى بالك هنحاسبك عايزين كل اسبوع حاجة مكتوبة جديدة ..

هديل مصباح said...

‎Hoda Abdel Zaher 2oly ya bet bas ana bafkark enty elly gebteh le nafsek :D we de7ka shrera i'll isa bas ana ba7eb ajudge nafsy elawel :)
Yasmin Rabie yala ya yasmin e7lmy enty kaman we isa rabena y72al2k kol elly nafsek feh i love awy bgd ♥

Roah Yousry said...

like..like..like..like..like ..likeeeeeeeeeeeeee..to7fa ya hadeel bgd estameryyyyyyy ..um waiting kol gdid mnk..really ..i luv uuuuuuuuuuuuuuuuuuuuuu :)

Hosam Mostafa Ebrahem said...

على فكرة إنتي خدعتيني لما فهمتيني إنك على قدك في الكتابة، أنا هرفع عليكي قضية :)

هديل مصباح said...

Roah Yousry rabena y5aliky u're the best♥
Hosam Mostafa Ebrahem بس انا فعلا العربى بتاعي بعافية شويتين وحنا نيجى جمبك ايه بس

Hosam Mostafa Ebrahem said...

أنا ماعنتش هصدقك بعد كده برضه.. ما تحاوليش

هديل مصباح said...

انا نسيت اقول اني كفاية فى 2011 انى عرفت ناس زيك ربنا يكرمك يا رب فى 2012

Hosam Mostafa Ebrahem said...

ربنا يخليكي ده من ذوقك بس:)

Hanan Dahab said...

Eah daaaaaaaaaaaaaaaaaaaaaaaah .......... Gaaaaaaaaaaaammmmmmmeeeeeeeeeed geeeeeeeeeeddddddddddddeeey... :D:D:D
while I'm reading this note, I had really a BIG smile (men el wedn lel wedn) bass eah el kalam el gamed dah!! w ba3deen e3terfy el naas deh 3'ayaret showaya f 7ayatek w lessa hat3'ayar kaman w kaman as it is never too late :D .. you know ya Hadeel, I love you so much and ISA all the coming years will be the best (tamma3 ba2a te2ouly eah)

هديل مصباح said...

i really love u ya hanan u can't imagine ad eh ♥

Maram Shams said...

الرحله الي بتوصلك لحلمك هي دي الجايزه الحقيقيه (انت عرفت فيها نفسك)
hisham el gamal
:) enty 7asestinyy belma3ana da awiii
♥ i love :)

Mohamed Sakr said...

بص يا كبير اولا كلامك عجبني جداااا لاكتر من سبب ، وزي ما انتي عارفة انا بتفلسف شوية ، بس انا عاوز احلل اللي انتي قولتي

اولا كويس جدااا انك بتتكلمي مع نفسك ومتفاهمة معاها وانك حريصة انك يكون عندك حلم او هدف ، لان الاغلبية مش فارق معاها الكل...ا دة

بالنسبة لجزئية الاكتئاب وان الواحد يقف شوية ويقع شوية ، ف بجد وبشكل شخصي انا شايف ان دي افضل وسيلة ان الواحد يكتسب من خلالها خبرة في الحياة لانها بتقل من الواحد جداااا ، بس ضروري ان الواحد يفتكر الجزئية اللي انتي قولتيها وعسى ان تكرهوا شيئا وهو خير لكم

بالنسبة لجزئية الكتابة ، انتي عارفة ان انا من اكتر الناس المؤمنة بيكي كتابياً ، وانتيعارفة ان انا حافظ اول اعمالك الكتابية ، بجد اسلوبك جامد والاجمد انه بسيط وعميق

اخر حاجة عاوز اقولها انتي على الطريق الصحيح ، يا صديقتي العزيزة ، وانا متفاءل ليكي خير ان شاء الله ، وعلى فكرة انا ابتديت اهتم زيك اوي بالوقت واحس ان الواحد لازم يستغله اوي في حاجة مفيدة ويقدر اهميته ، عشان لما الواحد يسأل نفسه في بداية كل سنة ، ان السنة اللي فاتت دي كان موق الواحد منها ايه او انجز فيها ايه ، مايبلمش

وفقك الله واعتذر على الاطالة

هديل مصباح said...

‎Maram Shams :)) MASHY YA SADIKY
Mohamed Sakr u're the best rabena ywfa2k enta kaman :)

Mahmoud Kassem said...

على فكرة إنتي بتكتبي حلو ! :)

هديل مصباح said...

ليا مستقبل يعني؟

Mahmoud Kassem said...

و ده اسمه كلام....بدل ليكي ماضي و حاضر يبقى أكيد ليكي مستقبل! :)

هديل مصباح said...

ههههههههههههه ماشي

SeifAllah Rabie said...

قرأت مقالة 2011، و عرفت أنك لا تحبين المجاملةو لكنك تحبين المديح!!:)

بالعامية التي تستخدمينها بإتقان: المقالة فعلاً حلوة ودمها خفيف. أبتسمت حقاً من القلب، ربنا يوفقك في كتاباتك

هديل مصباح said...

يا سيفففففففففففففففففففففففف مش متخيل مبسوطة ازاى انها عجبتك مانت زميل بقى