الحظ لما يهادى ....... يخلى الاعمى ساعاتى

Sunday, 8 May 2011

أذكر نفسي








كان عنوان مقالة كتبها محمد عبد المنعم الصاوي في المصري اليوم لما بقى وزير ثقافة، وبغض النظر هو كان حلو ولا وحش لانه ملحقش يعقد اصلا، أصل الكرسي بعد ما كان بيلزق دلوقتي بقى بيزحلق

المهم أنا المقالة دي ساعتها عجبتني أوي، عجبني فكرة أن الواحد لما يحقق حاجة يفكر نفسه بنفسه قبل ما يبقى حاجة علشان أحنا بننسى أو بنعمل نفسنا ناسين

أنا كمان النهاردة أذكر نفسي بنفسي قبل سنة، قبل ماعمل البلوج دة وقبل مأعرف أني بحب أكتب، عايزة أفكرك بنفسك يا هديل علشان أنتي نسيتي أو زهقتي ورجعتي تزعللي على حاجات نسيتيها من سنة وقعدتى طول السنة دي كل ماتفتكري الزعل اللي كنتي بتزعليه عليها كنتي بتتضحكي، رجعتي تدوري تاني على حاجات وأنتي عارفة أنها مينفعش يتدور عليها، رجعتي تقارني نفسك بالناس مع أنك أنتى اللي قايلة أنك طول مابتقارن نفسك بالناس لا هترضى عن نفسك ولا عن الناس، أحلامك اللي أتولدت من سنة كبيرة أوي بقيتى شايفاها دلوقتي صغيرة

أنا عارفة أنك زعلانة الايام دي علشان حاسه بكل دة، علشان كدة كتبتلك الكلام النهاردة زي مانتى كنتي بتكتبي لصحابك لما بيبقوا زعلانين، عايزة أفكرك يا هديل بفرحتك لما كتبتي لا والله لسه أنسه، فاكرة كنتي طايرة أزاي، فاكرة لما كنتي بتسيبي الشغل علشان تعدي الجروب بتاعك بقى فيه كام واحد، طيب فاكرة لما كتبتي زعلتي على أيه النهاردة لدعاء ومي، وأقرب مقالة إلى قلبك قاللي كانت أسرع واحدة كتبتيها لما ليلى كانت زعلانة، ولا يعني أيه صاحب كتبتيها لما كنتي أنت ونهال متخانقين ومع ذلك بعتلها علشان تقراها يمكن ترتجع، فاكرة يا نهال

والكتاب يا هديل اللى كنتي بتنامي تقومي تحلمي بيه، كلمتي مصر كلها عليه وخدتي رأيهم فيه، فاكرة كمية الكتب اللى قرتيها كنتي عاملة زى دودة الكتب، مش معنى أن الحلم أتاخر شوية يبقى مش خلاص هيتحقق

فكري نفسك يا هديل كل ما تلاقيها نسيت، كل ما تلاقي أهتمامها قل، كل ما تلاقى الحاجة اللي أتولدت كبيرة بتصغر، ذكريها أن كل حاجة كتبتها فيها حاجة منها عارفاها بس مش قادرة تصدقها، علشان كدة كتبتها للناس يمكن يصدقوها، يمكن تصدقي أنتي كمان، قوليلها أن مفيش حاجة بتفضل على حالها ومهما كان حبك لاي حاجة ممكن تزهقي منها في يوم بس مينفعش تفقدي الامل فيها، قوليلها كمان أن الناس مش زي بعضها وكل واحد فيهم عندة ميزة ممكن أوي يكون لسه مكتشفهاش، فكريها بالسبب اللي خلاها تكتب وأن لولا الكتابة يمكن كان زمانها لسه زعلانة عليه لغاية دلوقتي

كل سنة وأنتي طيبة يا هديل، والسنة اللي جاية اشوفك زي عمر طاهر كدة أن شاء الله



ملحوظة: هو أنتى موصفلك الزعل فى شهر 5، شكل الكلام اللي كتبتهولك كئبك أكتر مانتي مكتئبة حاولي متقريهوش كتير


عايزين نحسن العربي بتاعك شوية الناس كلت وشنا

11 comments:

♥●• Izdiher·•●♥ said...

so nice :)Best of luck .

هديل مصباح said...

thank u so much ifrah and best of luck for u too :)

Laila Abd El Hady said...

‎3agbany awy w khaliky mozakkera nafsek da2eman ; ) Ba2ollek eh heya elly katabtiha 3ashany kanet khorm el alb walla wa7da tania 3ashan ana mesh fakra esmaha??!! :$:$

هديل مصباح said...

mahy maktoba ya benty 2aly elwda3

Meanass Hashem said...

dh ente fd7te kl w7da ya hadeel :D tyb ana fen mkalte

هديل مصباح said...

fen elfday7 de, haktblk article kan fe wa7da lama etgwezt nafdt leso7abha

Sally Alaa said...

eh da ana esmy mesh mawgood felmakal, hab2a 2aza3alek 3ashan tektebely zay nehal :p, bas begad bravo 3aleeky

هديل مصباح said...

sallyyyyyyyyyyyyyyyyyyyyyyy miss u walahy miss u, yabenty mesh nehal elly te3rafeha de wa7da tanya

Yasmin Rabie said...

wishing u the best of the best ya dodo , enty testahli kol 5ir, it was so touchy bs keep ur faith never lose hope u will do it ya agmad dodo fel donia ;)

هديل مصباح said...

mesh 3rfa a2olek eh ya yasmin dayman keda ma3ya fe kol 7aga rabena y5aliky lya we ywf2ak fe 7yatek ya rab, luv u

Yasmin Rabie said...

‎;) ya dodo e7na montazrenk 3ala ka2mt el mashaheer... luv ya too hun