الحظ لما يهادى ....... يخلى الاعمى ساعاتى

Tuesday 16 August 2011

توجيزر فور أيفر

وأنا صغيرة (طبعا أنا لسه صغيرة بس أنا بتكلم عن الفترة اللي بعد ما أتولدت كده بشوية) كنت بحب أرسم قلب وأطلع منه سهم ناحية أكتب فيها أسمي والناحية التانية أسماء صحابي وتحته كلمة "توجيزر فور ايفر"، كانت كل كشاكيلي وكتبي مليانه قلوب قلوب، لدرجة أني كنت ببقى مكسوفه وأنا بسأل بابا على أي حاجة مش فاهماها من منظر الكتاب، تلاقيه كان بيقول لنفسه بنتي دي لما تكبر هتكسر الدنيا، بلا نيلة يجي يشوفني دلوقتي

ساعتها عمري ما فكرت أن في حد من اللي أسمهم مكتوب في القلب هيجي يوم ويبقى مش موجود في حياتي، كان عندي أعتقاد أن الصحاب دول زي الاهل مهما حصل بينهم مينفعش يبقوا مش موجودين في حياتك (كنت صغيرة بقى وطايشه)، كنت بقعد أتخيلنا وأحنا في ثانوي وأتخرجنا من الجامعة وأتجوزنا ولسه صحاب (سبحان الله الشغل مبيجيش حتى في الاحلام) لسه صحاب أوي زي زمان أيام المدرسة. بس لما رحنا ثانوي مدخلناش فصل واحد وكان ده أول خدش فى قلب التوجيزر فور أيفر وطبعا كانت النتيجة أن في ناس جديدة دخلت على حياتنا، ناس مكنش معمول حسابهم في خططي الطفولية للمستقبل، وساعتها أبتديت أحس أن مش شرط تبقى أنت الصاحب الوحيد لصاحبك وأنه مش نازلك مع البطاقة يعني، وانه دلوقتي بقى بيشوف ناس أكترثانوي بقى ودروس مش زي أيام المدرسة كان وشه في وشك أنت بس ممكن أوي يكون صاحبك ساعتها علشان كنت أنضف واحد في الفصل، بس دلوقتي ممكن يلاقى نفسه بيتبسط مع ناس تانية أكتر منك

هو أنا حسيت بس مصدقتش أوي علشان كده قضيت 3 سنين بتوع الثانوي في معارك مستميتة مع الناس الجديدة لمحاولة أسترداد الصاحب المسلوب، والحمد لله فشلت بجدارة ويكفيني شرف المحاولة، ودخلت الجامعة وأنا محيلتيش غير صاحبة واحدة بس (يلا أهم سابوا براح)، ولما كل واحدة فينا دخلت كلية غير التانية كان ده الخدش التاني في القلب قال يعني الموضوع ناقص، وكان لا مفر ساعتها من معرفة ناس جديدة وأهم 4 سنين ويعدوا بالطول ولا بالعرض وبعد كده الناس دي تروح لحالها (على أساس أنهم إيجار جديد)، ومع الايام لاقيت أن الجامعة دي أحلى أيام حياتي وصحابها هما الناس اللي بتتعرف على الدنيا وعلى نفسك معاهم، بتحب أيه وعايز تعمل أيه، دخلوا حياتك باختيارك مش علشان كانوا أنضف ناس في الفصل، وأبتدى القلب والتوجيزر فور أيفر يلعبوا في دماغي تاني، بس الخطط المرة دي أتغيرت ممكن أوي توصل أنك تتخيل ولادك بيلعبوا مع ولادهم

ولما قربت أتخرج جالي أكتئاب ماقبل التخرج تقريبا من سنة 3، يمكن علشان حسيت أنهم ممكن يضيعوا زي ماحصل أيام المدرسة، أو يمكن علشان الفترة اللي جاية فترة حرف "ك"، فترة كده جديدة عليك بتعمل فيها كل حاجة لوحدك، مفيهاش حد هياخد معاك درس ولا حد هيروح يجيب معاك النتيجة ولا حد هيروح معاك كل يوم، ولا ولا كلها حاجات أتعودت أنك تعملها مع حد ومش أي حد ده صاحبك

صاحبك، الكلمة دي غالية وكبيرة أوي، ميعرفش قيمتها غير اللي فعلا عرف ناس كانت دايما جنبه وبتتمناله الخير، لما كانت بتقوله لازم تتغير كان علشان بتحبه مش علشان تتحسه بعيوبه أو أنها أحسن منه، ناس هو حاسس أن دوره في حياتهم كان أقل بكتير أوي من دورهم في حياته علشان كان دايما شايفهم أحسن منه، وأنه معرفش يردلهم ربع اللي عملوه في حياته وكان بيغلط في حقهم كتير ومش بيرضى يعتذر علشان جوه نفسه كان عارف أنه غلطان وخاف لو أعتذر يأكدلهم أنه ميستاهلهمش وكان نفسه يعرف هما مستحملينه أزاى

أنا بكتب الكلام ده النهارده وأنا عارفه أن مفيش حاجة أسمها توجيزر فور أيفر، وأن كل القلوب اللي أعدت أرسمها في حياتي كانت مجرد أمنيات بنت صغيرة رافضة للتغيير، وأكتشفت دلوقتي أن محدش بيبقى ليه قرار في التغيير وأنها فضلت طول عمرها خايفة لصحاب المدرسة يضيعوا منها في الثانوي وصحاب الثانوي يضيعوا منها في الجامعة وصحاب الجامعة يتفرقوا بعد الجامعة وصحاب الشغل لو مشيوا منه العلاقات اللي بينهم تتقطع، ونسيت أن اللي عايز يفضل في حياة حد بيفضل فيها حتى لو هاجر رواندا، وأنها فكرت في كل حاجة ومعملتش حساب اليوم اللي صحابها دول هيحبوا ويتجوزوا فيه وطبيعي أن ترتيبها في حياتهم يتغير من رقم 2 لرقم 3 وساعات 4 وممكن متدخلش في الترتيب اصلا، وأن ده مش معناه أن الناس دي وحشة أو نسيتها بس الفكرة ببساطة أن حياتهم أتغيرت

وأن حساباتها كانت كلها غلط معدا حاجة واحدة بس، أن الصديق مينفعش يحل محل الحبيب والحبيب مينفعش يحل محل الصديق، وأنك مهما حاربت وحاولت تلاقي لنفسك دور في حياة حد وهو مش حاسس بأهميتك أو لازمتك فيها يبقى الحق دورلك على أقرب باب وأطلع منها

أقولكم سر، البنت الصغيرة عرفت حاجة كانت محيراها من زمان، عرفت ليه عمرها ما شافت صحاب قدام لمامتها وليه فضلت تشوف صحاب باباها أكتر من قرايبها





























































































































20 comments:

Laila Abd El Hady said...

‎7elwa awy ya Hadee : ) So touching enty mesh motakhayela ezay!!

هديل مصباح said...

‎3lshan 7a2e2ya awy es2aleny ana :)

Laila Abd El Hady said...

Ba2ollek eh heya eh fatret 7arf el K di a7san ana odam la7za men la7azat 3'aba2y :S:S

هديل مصباح said...

elm3na fe batn elsha3r (lewa7dek y3ny) :D:D

Laila Abd El Hady said...

ya set el sha3era :D:D

Laila Abd El Hady said...

Wel mafrod en meen elly yefham ya3ny el K di :S:S

Hoda Abdel Zaher said...

‎7elwaa ayy ya Hadeel bs so2al bardo :$ hwa eh el ser ???

Fadwa Akthem Ghoraba said...

Sa3at el afkar ely el wa7ed bywslha btkon 3'alat aktr mn el afkar el adema !! Sa3at el wa7ed by7tag ykbr w yt2klm w yt3lm ano zay ma7ytna w zrofna btet3'yr howa kaman doro fe 7ayat sa7bo byt3'ayr,w msh m3nah el ta3'yer antha2 el friendship.msh m7taga kol ta3zeb el nafs w el ektshafat w el e7ases el saye2a de !! I think we all ''grow old'' but we dont all know how 2 ''grow up''.

Fadwa Akthem Ghoraba said...

Personaly,i didnt believe in friendship 4 a long time,though i ve always had many friendz.didnt like the idea of having to be around someone 4 so long. Now i understand its not bout how often u see or talk 2 ur friend,bel3aks..its bout havi...ng someone who u might be away from 4 a long time,yet u can call anytime u need..and find him thr 4 u, coz he truely loves u and truely care !! Flexbilty is the answer,stop making the rules and expecting ppl 2 follow it, they wont and u ll end up on ur own !!

هديل مصباح said...

elazky2 fakat
lol

هديل مصباح said...

‎Hoda Abdel Zaher en elbanat awel mat7eb wala tetgawez betnafd le so7bha laken elwelad so7abhom maknhom fe 7ytahom mesh bet3'yar y3ny te2dry te2oly en de elmeza elwa7eda elly 3nd elwelad :D:D

هديل مصباح said...

‎Fadwa Akthem Ghoraba mana 2olt en eldonia bete3'yar welnas kaman we tab3ey en lama so7abk 7ythom tet3'yar enty dork feha by5talf bas 3omro mabykon zay elawel we de sonat el7yah u have to cope with it l2enk enty kaman 7ytek bete3'ayr bas el...ensan 3la mat3wdeh we eza et3wad 3la 3'yab nas byb2a da eltab3ey ah momken sa7i7 tekalmeh fe ay w2t we momken bardo tl2eh law me7tgah bas betkon elmsafat be3dt awy momken tl2eh w2f ganbk 3lshan el3shra masln aw elzkryat bas u don't really exist in his present we shaklek sa7 mafesh fe3lan friendship for a long time 3nd elbanat bas 3nd elwelad feh :)See more

lotusflower said...

Bravo!I more and more admire your honesty ya hadeel. I agree with all what you said, especially that friends (like us :) get to learn about life as they grow up together, but despite of what we have been through, I still believe in "together forever" theory in a way or another.. and although I lost few friends in my life, but I'm pretty sure that I kept the real ones forever for life, inshallah

هديل مصباح said...

May be u are right Nihal but now I deeply believe in there's no togehter for ever

Hoda Abdel Zaher said...

w tftkro de wa7asha mnena wala ta2seer fe 7a2na ,, el ragel msh biltzm b beeto zay el set w bi keep his realtions wz old frnds on daily contacts & also enlarge his group en kan 3al 2ahwa aw el nasya ,,,el set ba2a btetka3bl w dameerha bywg3...ha law sabt beet-ha w weladha w betkooon 3aysha be ruless most of men byfrdooha 3leena....sry i c its not an adv. 4 men if the circumstances are = then we will find grls more frndly than men....mafesh 7aga 3dla 3andhom,,,,sry guys :DSee more

هديل مصباح said...

hehehehe enty shaklk bt7behom awy, bosy u're right in most of what u said but the truth is en elbanat men awel mabt7b 7ta betnafd leso7bha eltanfeda eltamam we betb2a 3la toul mesh fadyalhom we lama btetgawez byb2a ya sa3dk ya hanaky law ka...lmtk feltelephone elfekra fe 7aga en elbent 7ytha bete3'yar 180 darga lama by7sal keda laken elwalad l2 we dah m3nah 7aga wa7da bas en elbent bet3sh bas 3lshan tetgawez bedalil enha 7ytha bet5talf taman k2n el love need elly 3ndha kant betsatisfyha beso7abha we lama ygy elfrod elmontazar byb2a 5alas
kol elnas me7taga so7bha ya hoda we mynfa3esh neda7y behom l2y sababn kanSee more

♥●• İzdihër •●♥ said...

I don't now because personally my long /old friend are no longer that close to me. Even I tried to roll back but there was no spark like we use to have .So I reckon it depend For some it is goes on and on and but some people move on .

هديل مصباح said...

it's seems that this is the truth Ifrah :(

Alla said...

mashallah!! kalamik mo2ather giddan!!! o 9a7ee7 100%

I am deffinately following you... your posts are amazing...

Follow each other =)

This is my Blog: http://sugarandspice86.blogspot.com/

هديل مصباح said...

thx alla u're so sweat, i'llfollow ur blog too :)