الحظ لما يهادى ....... يخلى الاعمى ساعاتى

Wednesday 28 July 2010

قالى الوداع قولتله قشطه

وانا كل ماقول التوبه يابويا وبعدين بقى انا كل ماقول خلاص بقى ياهديل اتكلمى فى مواضيع تانيه علشان الناس متفتكرش انك عامله جمعيه المرأه المتوحشه بجد وانك واخده موقف من الولاد, ابسلوتلى خالص انا بكتب عن الحاجات اللى بشوفها وانا اعمل ايه يعنى كل مصيبه الاقى فيها ولد، مشكلتى دى بقى


تقدروا تقولوا ان الموضوع ده الجزء التانى بتاع خرم القلب يعنى بعد ما القلب اتخرم وخيطناه الحمد لله والواحده من رجعت تعيش حياتها عادى وتنسى طبعا احنا مش بنعرف ننسى حاجه كومبليتلى (راجع زعلتى على ايه النهارده) امال يعنى لما نحب نزعل ونعيط نعمل ايه مش الماضى اولى برده اننا نرجعله ونزعل عليه دى عشره، المهم يعنى بنكمل فى حياتنا ومن وقت للتانى نفتكر ونرجع فلاش باك ونقول اه لو ونعمل ايه ..... يلا انتوا عارفين


كل واحده لسه قلبها مخروم جديد كل شويه تعد تقول لنفسها هو سابنى ليه ليه ليه, وتسأل صحابها هو ممكن يحاول يكلمنى, مش عايز يطمن عليا, تفتكروا بيعرف اخبارى, تفتكروا ممكن يجيلى الشغل, تفتكروا بيفكر فيا, تفتكروا لسه بيحبنى (ده اصلا لو كان بيحبها قبل كده) تفتكروا تفتكروا تفتكروا والصراحه يعنى هما مفتكروش حاجه خالص علشان هما مش عارفين ولا هى عارفه ولا حد عارف ولا حد هيعرف (الكتالوج بتاعهم ضاع باين)، وتعد كل يوم اعده باصه للتليفون يمكن يتصل وتعد تتأكد ان فيه حراره وتمسك موبايلها وتعد تتفرج على نمرته وتقرا مسدجاته اهى حاجه من ريحته برده وتعد تدخل على البروفايل بتاعه على الفيس بوك ونفسها تشوف صوره لكن مش عارفه علشان مسحها من عنده او عملها بلوك، وهى خارجه من الشغل تعد تبص يمين وشمال يمكن يكون واقف لكن لا حياه لمن تنادى


تعمل ايه بقى وهى عامله فى نفسها كل ده وفى ناس بيعدوا كده بالسنين لو عرفت انه خطب "ان ان ان "، ياعينى وهى كانت فاكره انهم ممكن يرجعوا تانى حتى لو بقالهم 10 سنين سايبين بعض


طبعا الخرم دلوقتى بقى ممكن يعدى فيل وعارفين بقى بتحس انها كانت بتحب جزمه حاجه كده معندهاش احساس عمركوا يعنى سمعتوا عن جزمه بتحس ولا عن جزمه ضاعت منك ورجعت تانى او جزمه كلمتك فى التليفون بعد ماضاعت وتعد تقول لنفسها انا كان عقلى فين فى حد يحب جزمه


يعنى ايه خطب طيب نسينى امتى وحب التانيه امتى وخطب امتى، هو نسيكى فى الوقت اللى انت كنتى بتفتكريه فيه وتعيطى وحب التانيه فى الوقت اللى انت كنتى بتدورى عليه فيه ومتابعه كل اخباره وانت مش فى باله اصلا وخطب التانيه فى الوقت اللى انت كنتى مستنياه يرجعلك فيه، هسألكوا سؤال فى حد قبل كده سمع ان فى ولد كان بيحب بنت وسابوا بعض ومقدرش يكمل بعدها وحتى لو سمعتوا طيب سمعتوا بقى عن كام بنت مش عارفه تعيش بعد ماقلبها اتخرم ومش عارفه تشوف غير اللى خرموه وضيعت كل الفرص اللى جاتلها بعد كده علشان عندها امل انهم يرجعوا تانى


ذكر فى الاساطير القديمه ان الولد لو كان بيحب بنت وسابها والمشكله اللى سابها علشانها (ده لو كان فى مشكله) اتحلت مش بيرجع لها تانى (يمكن نحس حد عارف) وبيدورعلى حد تانى


لا انت اول واحده ولا هتبقى اخر واحده ومتزعليش على نفسك ده ربنا بيحبك يا هبله حد يحب جزمه مالها الشرابات هه، متستنيش حاجه علشان متزعليش هو لو كان بيحبك بجد مكنش سابك ولو سابك لاى سبب خارج عن ارادته يبقى نصيبك كده زعللك مش هيغير حاجه, طبعا كل حاجه بتاخد وقتها ازعلى بس مش كتير ومتستنيش انه يرجع تانى والله رجع لوحده يبقى خير وبركه بس بلاش الاسئله اللى ملهاش اجابه اللى عامله زى امتحانات الثانويه العامه فى مستوى الطالب اللى ساكن فوق الطالب المتميز، كل حاجه بتتنسى الحياه مبتقفش لو كانت بتقف علشان حد بيحب حد ماكنش حد فيها عاش


ولو سمعتى ان اللى كنتى بتحبيه خطب ولا اتجوز قوليله قشطه غور فى داهيه واسمعى واغنيه استرونج ينف بتاعه شير كل 12 ساعه وهتبقى كويسه ان شاء الله

52 comments:

Fadwa Ghoraba said...

Aihhhh ya shaykhaaaaaaa???!! 7aram 3leeky :DD
Gamed gedan el article dah...bgd 3agbny awy awy..so real and true..and more important..SO FUNNY :D
And for every girl who's ever been dumped and heared that her ex is wiz someone new...believe Dola...fe 60 000 million dahya..wallahy myswoosh..some of us have been through this situation (e7m e7m) and trust me the only thing you'll regret in the future is that u wasted a minute of your life crying this idiots !!!

Dola proud of you..u just keep getting better and better..go on ya Hadeeeeee ;)

Fadwa Ghoraba said...

I Will Survive :DD Kant Ayam Sodaaaaaaaaaaaa :DD

Yasmin rabie said...

ااااااااااااااااااه يا هديل و الف اااااااااااااااااااااااااه

هديل مصباح said...

عارفه يا ياسمين عارفههههههههههههههه

Mariam Gaber Mohamed said...

:D:D:D da7aktene bgddddd :D i like it aweeeeeeeeeee

هديل مصباح said...

ana kaman walahy 3gbany awe el 7eta beta3t 7ad y7eb gazma we 3mla ad7k 3alyha :D:D

Mariam Gaber Mohamed said...

hehe :D w ente btwsefe el 7ala kolaha de7k el sneen aslan :D bgd el article kolo gamed awe ;)

Dolly Badr said...

‎7elwa fe3lan bgad :)

Eman Solliman said...

‎7elwaaaaa awiiiiiiiii de kman :D bs enty kda bhdeltehom 5ales :D da lw wld d5l w shaf gzma de hayz3l mnk awi :D

Maram Shams said...

eshta we nos we talat terba3

Laila Abd El Hady said...

Bma enno special dedication l wa7da heya 3arfa heya meen fal a7da di bet2ollek enaha mesh msada2a aslan bgad sor3etek del ada2 katabtiha b sor3a 3'eir tabe3eya!!
Howa fe3lan el katalogue da3 ma7adesh 3aref howa fein ya Hadee bas bardo eshta ...akid :D
7elw ay ya Hadee as usual tab3an bas ma3a el asaf ma2dertesh ad7ak awy 7aitho eny lessa ethr el sadma bas bardo han2ol tany eshta :D:D
Love u Hadeeeeeeeeeeeeeeee : )See more

Doaa Abd El-Hady said...

hehehehehe ya hadee ya gamed :D
bas a7eb a3raf oghneyet eh el fel a5er de 3shan 2aret.ha bta3 10 marat w msh fahma :D

Esraa Yuosry said...

elli tez3al 3ala wa7ed sabha teb2a 3abita 3ashan howa nesiha migarad ma fakar eno yesebha asln da lw kan fakerha mn 2abl keda asasan aw bey7ebaha

هديل مصباح said...

o3'nyat strong enough beta3t cher
sa7 ya esraa

Dalia Talaat said...

حلو اووووى كلامك يا هديل ..بس همه كتالوجهم مضاعش لان همه اصلا ملهمش كتالوج

هديل مصباح said...

dal version elgeded zaman kan lehom catalouge

Marwa Elsayed said...

قشطة يا مان قصدى قشطة يا هديل بجد توبك هايل
الى كل بنت وكل فتاة اسمعى الكلام منك ليها
الخرم ممكن يتخيط
سدوها يا حبايبى ومتنسوش انكوا لو سبته هيكون فتحة كبييييييييييييييييييييييييييييييييييييرة ومش بعيد تلاقى قلبك حتتين
وده يا اختى مش عايزنه
بنات
يالا قولى ورايا
قالى الوداع قولتله قشطه
قشطة قشطة قشطة

Tota Caty said...

قشطــــــــــــــــــــــة

Alaa M. Atif said...

البنت مننا لما تقول أنا بشتري راجل تتفهم غلط وبيركبوها وبيفتكروها ضعيفه للأسف...وده الأغلبية العظمى للي بيجولي...المشكلة ان أهلي مش بيطلبوا المستحيل وطلباتهم بسيطة جدا فوق ما تتخيلوا بس للأسف بيطنتطوا بردو...أصلهم عبط ومش بيعرفوا يميزوا ولا هم قد المسؤولية أصلا وبعدين يقولوا اهل البنت بيعقدوا عالشباب يعني البنت لما تتجوز مثلا حتروح تعيش مع مصطفى البواب وولاده ولا بشقق فندقية كل خمس دقايق تتنقل من فندق لفندق
لم يعد هناك احترم للمرأة

وقالي الوداع قولتله قشطة ... بكرة تيجي تاخد حجتك وفوقيها بووووووووووسة كبيرة كمان

لأ بهزر مدتلهوش بوسة...ميستاهلش
xD

Omnia Abdel Monem said...

جامد طحن الموضوع فعلا هو اللى لازم يحصل علشان تقريبا مافيش حد يستاهل فأكيد لو هو مش عايزنى يلا بقى مش هيبقى قشطة وبس ده كمان اللى باب اللى يفوت

Menna Hatem Borham said...

well said Gurls ..keep this spirit ..and thx Hadeel for strong enough..:)) yep girls we are strong enough but sometimes those we do love or we fall in love with when they broke up this engagement of relation ..this leaves holes in our hearts ..but accordin' to my experience be mysterious never believe in a guy easily..join new activities..meet new people ..gain new friends and stop talkin' about him as mush as u can even with urself..as hadeel mentioned never think about him 'cause he will be thinkin' about someone else , and u'll be shocked when u know he got married and started his family.. so lets say he is not Mr. Right and lets not wait for him...lets start our lives without 'em for while ..lets be strong enough..!! again good topic Hadeel and thx Girls for this inspirin' replies :)))

Alaa M. Atif said...

very well said! Menna...

Menna Hatem Borham said...

these inspirin' replies * :)) and engagement or relation..srry Gurls typin' mistakes :)))
Alaa :)) thx Gurl for ur comment :))

Amira S. Abdel-Aziz said...

أنتم جيتوا في الوقت المناسب تمام لإن العلة زادت على قلبي بالقوي - الحمد لله الخرم الكبير قرب يتسد خالص, وكان فيه كام خدش كده اديتهم بالشلوت بره دماغي من زمان :D

أنا مقتنعة بان أول خطوة لسد الخرم هي التخلص من كل حاجة وأي حاجة ممكن تفكر الواحدة بالشخص ده على طول (at once)
وبعدين بلاش تتبع الأخبار لإن ببساطة الحقيقة المرة اللي الواحد بيكتشفها هي إن الحياة بتستمر ومش بتقف عند حد - وبما إن القصة انتهت فكل واحد من الطرفين لازم يكمل في حياته, وطبيعة الراجل إن حياته مش بتقف على بنت وانتي كمان مش المفروض حياتك تقف على أي حد عموما

موضوع جميل والكلام فيه كتيييييير, I like geddan, like bsoba3een :D

NaNy Maghraby said...

فعلا كلامك مظبوط و انا اعرف بنات كتير من سنى او اصغر بيحصل ليهم نفس الكلام ده و تفضل مستنياه لحد ما يرجع ليها و هى مش عارفة انها بتستنى سراب ...لو كان ليها من الأول ماكنش مشى و لو كان بيحبها بجد فاللى بيحب حد مايقدرش يبعد عنه و لو ثانية...يبقى ازاى يعدى اسابيع و شهور و بلاش اقول سنين و هى مستنية يحن عليها و لو برنة ؟! لو راح لغيرها فعلا يبقى قشطة بد و انت كده شكرا ع الآخر

Thepurity Tota said...

مش هقوله قشطه بس ده قشطه بالعسل الابيض من ملكه النحل نفسها

Ahmed Fathi Kotb said...

اسمحولي يا بنات اكون صاحب اول رد من الجنس الاخر ( المغضوب عليهم )

أعتقد ان الموضوع ده ( الخرم في القلب ) بيحصل نتيجة سوء احتيار في البدايه او الاختيار في سن صغير يعني ثانويه عامه او اولي جامعه

في الوقت ده الشباب بيبقوا عندهم شوية طاقه و شويتين وهم انهم دونجوانات و كذلك البنات حاسه انها عندها مشاعر انثويه مفرطه و محتاجه توجهها لرجل واحد

طبعا ييجي الشاب توتو يسقط بنطلونه او يلبسله نظاره شمس و يشربله سيجاره و لا يسرق مفاتيح عربية ماما و يعمل لذيذ و مهتم بالبنوته

تيجي البنت بفرط احساسها و تدفق مشاعرها تحس باهتمام منه فتبتدي تقول انا انا و ضهري اتني و تروح تتكلم معاه

و نوهم بعض بمسمي كبير اسمه صحوبيه

هي عاجبها شكله واو شكله ابن ناس
و هو اوبا هي دي ده العيال هيتجننوا لما يعرفوا اني كلمتها

و هلم جرا و هنا تبدأ المأساه


بنات كتير قالوا لأ مش هنكلم ولاد و مش هنصاحب و لا نتنيل و هنركز في حياتنا و مشاعري دي هخليها لاهلي و صاحباتي بعد الله سبحانه و تعالي و سيدنا محمد

و البنات دي عمر قلبها م اتخرم و صدقوني يا بنات بينقذوا شباب كتير نفسه يعيش صح و بيرفعوا من شأنه و بيعينوه ع الحياه الي احنا فيها دي م في شباب قلوبها بتتخرم بردو

صدقوني يا بنات حاولوا تكونوا من النوع ده و ان شاء الله مش هتحسوا باي الم في قلوبكم
و كفايه كده عشان متملوش

Shaimaa Esmat said...

ana m3akeee awee awee fe en mfesh e7sas ana lessa 2lbe m5rom bs b7awel ansa aho rbena y2drna bs kol kelma 2olteha true true thx alot ya hadeelwea5er kelma a7eb a2olha eshtaaaaaaaaaaaaaaaaaaaaaaaaaaa :D

هديل مصباح said...

@ marwa thx begad 2eshta enty kaman momken te2ry 5orm el2lb
http://anegyptiangirlsdiary.blogspot.com/2010/05/blog-post_11.html
@ alaa bost eh edelo shalot we d2lgeh 3la el selm
@ omnia thx bgd
@ menna u r welcome es2leny ana 3la strong enough de metgrba ya benty, u r right the hole keep growing and nothing can heal it except u and we can isa. time is precious to waste it thinking in anyone doesn't desrve it
@ amira sa7 ya amira e7na bendy3 wa2tna fel za3al we benb2a fakren en howa kaman za3ln zayna bas lel2sf el7a2e2a la2 ana mesh ba2ol enhom we7shen bas elly yby3k 2olilo 2eshta enta el 5sran 3la fekra enty momken te2ry
z3lty 3la eh elnhrda hay3gebk bardo http://anegyptiangirlsdiary.blogspot.com/2010/07/blog-post.html
@ nany sa7 ya benty ana mesh 3rfa leh elbanat betr5as nafsha keda e7na 3'alyn awy 3la fekra ahm 7aga 3and nafsna we ma7desh ever ystahel enena nez3l 3lyh we e7na mesh fe balo
@ thepurity :D ESHTA :D
@ ahmed hatsd2ny ya ahmed law 2oltelk en kol elnas elly ana bakteb 3anhom 2lbhom et5ram we homa ma5toben we mesh so3'yren wala 7aga elnas et3'yrt awy enta ba2a momken te2ra
homa ra7o fen http://anegyptiangirlsdiary.blogspot.com/2010/05/blog-post_19.html
@ shimaa eshta gdn

Moutasem Mohamed said...

سلام عليكم
مع كل تقدير للفكره و ايدلوجية
لان علينا احترام وتقدير الافكار

بس اسمحيلي
انا مش هناقش التوبيك
انما هاخد راي حضرتك و راي الجمهور
في شاب خاطب باقي علي الفرح اقل من شهر
و طلبات اهل العروسه بقت اوفر لدرجه ان الولد مستحملش
وسابها لانه لو مكنش سابها كانت هتحصله حاجه

وبعده بفتره خطب وهي عرفت وبعتت تقوله مبروك
طبعا مش عجبها انه خطب
علما انه عمل كل ما في جهوده

وهو بيقوله يعني هي كانت عايزاني اعمل ايه
وهي قدمت ايه
مدفعتش عني ليه

Dina Omer said...

قشطه جداااااااااااااااا

اذا اردت شيئا بشده فدعه يغور .. فان عاد اليك قشطه جدااااااااا .. وان لم يعد فيولع بجااااااااااز

اى خدعه ;)

هديل مصباح said...

dinaaaaaaaaaaaaaaaa 7elwa awy elly enty katbah shaklek ma3ya 3la el5t :D:D:D

هديل مصباح said...

معتصم انا مش بهاجم الولاد ولا بقول انهم كلهم وحشين وان كل علاقه بتفشل بسببهم ولا كمان بقول ان البنات حلويين اوى وملايكه الصراحه مفيش ملايكه دلوقتى وكل نوع فيه الحلو وفيه الوحش, انا كتبت عن اللى انا بشوفه وهو جزء من الواقع مش الواقع كله وبما انك مش عايز تناقش التوبك لو لاحظت انا كتباه اصلا للبنات علشان ميوقفوش حياتهم على حد وهاخد جزء صغير من مشكلتك انت لما الموضوع بتاعك خلاص مبأش نافع مع خطيبتك سبتها وبعد فتره خطبت تانى انا عايزاك تفهمنى صح انا مش بقول انك وحش البنات بقى حتى بعد مابيتسابوا مبينسوش وبيفضل عندهم امل الولاد عملين اكتر يارتنا نبقى كده
بالنسبه لموضوعك لو انت فعلا حاولت وعملت كل حاجه وخطيبتك مؤفقتش جنبك يبقى مفيش لوم عليك واللى عملته هو ده الصح

Amira S. Abdel-Aziz said...

@Ahmed Fathy: اللي إنت بتحكي فيه ده البنات في الموقف دي قلبها مش بيتخرم خالص عشان الصحوبية دي مش موضوع مظبوط أصلا

وزي ما هديل قالت اللي بيحكوا دول (وأنا منهم) كان قلبهم اتخرم من خطيب مش من صاحب وفي من زوج كمان

Ahmed Fathi Kotb said...

danto 7azoko we7esh awi b2a :D

3amatan ta7aworkom momti3 w mofid

Amira S. Abdel-Aziz said...

مش هاقول إنه حظ لإن كل شيء نصيب - وكل حاجة بتحصل للبني آدم بيتعلم منها أكيد عشان في الاخر يعرف يوزن الشخص اللي يستاهل إنه يعيش حياته معاه :)

Sally Mohamed Afifi said...

موضوع جامد اوى وبجد عند حق يا هديل الجزمه متستهلش كل اللى البنات بتعمله
ههههههههههههههه

هديل مصباح said...

@ ahmed leh bet2ol eno 7az mesh ma32ol kol doul 7azhom we7esh mesh 2oltlk e2ra homa ra7o fen 3lshan t3raf howa 7az wala la2
@ amira eshta 3aliky walahy enty 3mla a7la sho3'l yala b2a mestnyaky fel group
http://www.facebook.com/group.php?gid=113003758741702
@ sally t3rfay ana kaman a7la 7eta 3gbany heya 7etet elgazma ana mesh 2sdy shtema ana asdy enhom byb2o shabha bemysho we bydoso 3la ay 7aga we law gazmtk da3t 3omrha mabtrg3 tany

Mai Sobhy said...

موضوع جامد موووووووووووت انا عايزة اقول لكم يابنات اللي سابك يبقي مش عايزك لية بتفكري في حد باعك ومش عايزك اصلا في حياتة وصدقوني ادام الراجل هو اللي ساب البنت مش ممكن يرجعلها تاني ابدااااااااااااااااا ، فحرام علينا نضيع عمرنا علي حد اصلا مش عايزنا ، يلا قشطة باي والباب يفوت ، والمركب اللي تودي وكدة يعني يالا قوموا شوفوا ناس تستاهل نشغل نفسنا بيها وحتي لو مفيش الحياة ماشية مش بتقف

هديل مصباح said...

الحياه مش بتقف على حد ولا علشان حد

Alaa Ghoneem said...

so nice

Alaa Ghoneem said...

enty haila degad d7ktini men 2lbi .....eslobek kman baset we momte3....rbena yewafa2k.....(homa ra7o fen)gamda awe...go on

هديل مصباح said...

thx thx thxxxxxxxxxxxxxxxxxxxxxxxx rabena y5aliky
i will isa

انين الهامى said...

قشطه يلا ف داهيه

هديل مصباح said...

sa7 keda

Nashwa Mohamd said...

الي يبيعك بيعوا ومع الف سلامه فعلا موضوعك جميل وهو دا الى بيحصل بس هى فى مشكله ان الوحده فينا لما بتحب مره مش بتعرف تفتح قلبها تانى لانها مش بتكون عايزه تنجرح تانى وبتكون خايفه وبتفضل تقول حسبيا الله ونعم الوكيل

هديل مصباح said...

ماهى يانشوة القشطة دى المرحلة اللى بعد حسبى اللة ونعم الوكيل

Nada Atef said...

لو كان بيحبك بجد مكنش سابك ولو سابك لاى سبب خارج عن ارادته يبقى نصيبك كده زعللك مش هيغير حاجه, طبعا كل حاجه بتاخد وقتها ازعلى بس مش كتير .......حلووووووووه اوى يا هديل

شيماء الكفافى said...

جميل يا هديل والله عندك حق واةةةةةةةةةةةةةةة من الجزم

Haidy Morsy Ibrahim said...

انا شايفه ان الموضوع ده صح وليه مانقولش ان الشباب هما اللى يتقوا ربنا فالبنات اللى يعرفوها ومايتسلوش بيهم عشان حرام ماهما عندهم بنات اخواتهم ولو حتى معندهمش كما تدين تدان اكيد هيحصل قى بناتهم لما يتجوزوا عشان ربنا مش بيحب الظلم انا اعرف واحد ظلمنى لحد دلوقتى ربنا غضبان عليه ومش عاوز ييسر عليه امور شغله اللهم لا شماته بس هو مكنش يستحق الاكده

هديل مصباح said...

ماهو دى الحاجة الوحيدة اللى بتهدى البنت لانها عارفة ان ربنا مبيسبش وان اللى ظلمها مهما انبسط فى حياتة مسيرة يتعمل فية زى اللى عملة

هديل مصباح said...

ههههههههههههههههه يا شيماء